Ціханоўская дала інтэрв'ю, ад якога ў расійскай апазіцыі палыхнула. Што здарылася?
Святлана Ціханоўская патлумачыла, чаму паміж расіянамі і беларусамі вялікая розніца. Некаторыя расійскія апазіцыянеры абурыліся яе словамі, а ў выніку самі адграблі ў твітары.
Святлана Ціханоўская дала вялікае інтэрв'ю расійскаму выданню «Новая газета. Европа». Падчас гутаркі яна некалькі разоў падкрэсліла, што паміж расіянамі і беларусамі ёсць істотная розніца, таму, напрыклад, несправядліва ўводзіць для іх у Еўропе аднолькавыя абмежаванні.
«Мы ж бачым знакі Z на вуліцах у Расіі, бачым расіян, вельмі агрэсіўна супраць Украіны настроеных. У Беларусі вы такога не ўбачыце ніколі. У нас беларусы проста не разумеюць, як можна напасці на суседнюю краіну, на блізкую краіну», — сказала яна.
«У расіян усё ж такі ёсць імперыялістычныя амбіцыі, і яны распаўсюджваюцца на большасць насельніцтва, на жаль», — заўважыла Ціханоўская.
Яна дадала, што Пуціна, у адрозненне ад Лукашэнкі, прызнаюць легітымным кіраўніком.
«З гэтай размовы я зразумеў, што вы наогул не камунікуеце з расійскай апазіцыяй за мяжой. У гэтым няма сэнсу? Ці чаму так?» — спытаў яе журналіст Ілья Азар.
Святлана Ціханоўская адказала, што ведае многіх дзеячаў расійскай апазіцыі (з Кара-Мурзой сустракалася, напрыклад) і вітае намаганні, накіраваныя на паслабленне расійскага рэжыму і вызваленне ўсіх палітвязняў.
«Я ўпэўненая, што нашы медыя нечаму вучацца ў расійскіх апазіцыйных медыя, магчыма, грамадскія ініцыятывы нашых краін таксама маюць зносіны.
Але і ярка выяўленага запыту [на зносіны] няма, калі шчыра. Ёсць нейкія агульныя канферэнцыі, дзе прысутнічаюць беларускія дэмакратычныя сілы і расійскія апазіцыянеры. Напэўна, пакуль гэтага дастаткова», — сказала яна.
Паводле слоў Ціханоўскай, агульных праектаў з расійскай апазіцыяй у яе няма.
«Вядома, ёсць агульныя падыходы, але кантэкст у дзвюх краін абсалютна розны».
«А мне здаецца, што даволі падобны кантэкст, але вам лепш відаць», — заўважыў Азар.
«Мне лепш відаць, бо я таксама сачу за расійскім парадкам дня і ведаю, што калі чалавека ў Беларусі спытаць пра вайну, то ён прамаўчыць, не скажа, што супраць, бо ведае, што пасля такіх слоў яго могуць у турму пасадзіць. Але ён ніколі не скажа, што ён за, што правільна там [Расія] ўсё робіць. Ніколі.
І ў гэтым вялікая розніца. Магчыма, вы яе не адчуваеце, але для мяне гэта проста каласальны gap [разрыў]».
Гэта інтэрв'ю абурыла некаторых расійскіх апазіцыянераў.
«Вось вам здрасьце», — пракаментаваў Максім Кац яе словы пра імперыялістычныя амбіцыі і легітымнасць Пуціна.
Вот вам здрасьте https://t.co/Digw4o2L24
«Усё, што трэба ведаць аб інтэлектуальным узроўні і кваліфікацыі ў якасці палітыка Ціханоўскай», — напісаў у твітары заснавальнік буйной расійскай кампаніі «Артсофт» Артур Закіраў, які асудзіў вайну і стварае арганізацыю па абароне правоў расіян і эмігрантаў.
«Калі ўжо на тое пайшло, то асабіста я лічу, што беларусы сваёй бяздзейнасцю і маўклівай згодай з дзеяннямі Лукашэнкі ствараюць спрыяльныя ўмовы для ўтрымання ўлады Пуціным і спрыяюць яго вайне ва Украіне, у якой у тым ліку задзейнічаны тэрыторыі Беларусі пад патрэбы пуцінскага войска», — дадаў Закіраў.
Все что нужно знать об интеллектуальном уровне и квалификации в качестве политика Тихановской https://t.co/9aPoAxLdWW pic.twitter.com/sxergUOWr1
Беларусы ў каментарах ім пішуць: дзе ж тут няпраўда? Многія расіяне падзяляюць абурэнне сваёй апазіцыі.
«Мэта — пабудаваць ідэнтычнасць сваёй краіны на адштурхоўванні ад былой метраполіі. Ці нават на канфрантацыі з ёй. Яшчэ адна «мы не Расія», — каментуе адзін з твітарчукоў словы Ціханоўскай.
Але хапае і тых расіян, якіх хвалюе іншае пытанне: а што расійская апазіцыя за гэты час зрабіла для сваіх грамадзян?
«Давайце яшчэ да Ціханоўскай дая**цеся, якая за тры гады зрабіла больш для беларусаў, чым уся Расія. А ну да… Яна не здымае відосікі для ютуба», — пішуць Кацу.
«Максім, нам праўда не вельмі цікавая Ціханоўская. Там нехта Навальны спрабуе наладзіць узаемадзеянне розных людзей па пытанні выбараў. Можа, вы гэта абмяркуеце? Аб'яднаецеся з кім-небудзь, хто блізкі вам поглядамі? Пакажыце прыклад. Такі выпадак удалы… Не знаходзіце?»
«Яна за расіян таксама тапіць павінна? Дык гэтым вам варта было б заняцца», — папракаюць Каца.
«Ды по*** (пардон мон фрэнч) на Ціханоўскую — яна не наш палітык. Наша праблема не ў ёй, а ў тым, што… Карацей, нам трэба сваю, нармальную апазіцыю вырошчваць, а то ўсякія там воўкавы-кацы і іншыя міловы, гэта трэшак», — адказваюць Закіраву.
«Яна сябе ратуе і свой народ, а вы ёй крыўдачкі выстаўляеце. Выстаўляць можна нашым палітыкам, не беларускім. Яна адпрацоўвае даволі паспяхова свае мэты», — піша іншы каментатар.
Вынікі гэтай дыскусіі іранічна падсумаваў блогер Джыпсінкоў: «Здаецца, беларускія дэмакратычныя сілы страцілі такога саюзніка, як расійская апазіцыя ў твітары».
«Наша Нiва» — бастыён беларушчыны
ПАДТРЫМАЦЬЧытайце таксама:
«Таму што Пуцін не дурань». Хадаркоўскі патлумачыў, чаму ў Расіі няма «сваёй Ціханоўскай»
Каментары
Ватни считает Беларусь частью России с выдуманыммязыком. Хороший русский ехидно называет Беларусь не-россией и переспрашивает на каком языке вы говорите.
Ватник не доволен беларуской оппозицией. И своей. Хороший русский недоволен беларуской оппозицией. И своей.
Ну, блин. Смотри - не перепутай!