Ад Украіны на каранацыю Карла ІІІ у Лондан паехалі Алена Зяленская і прэм'ер Дзяніс Шмыгаль
Першая лэдзі Украіны Алена Зяленская і прэм'ер Дзяніс Шмыгаль здзяйсняюць візіт у Злучанае Каралеўства Вялікабрытаніі і Паўночнай Ірландыі. Зяленская наведала Даўнінг-стрыт, 10 (рэзідэнцыя прэм'ер-міністра) па запрашэнні жонкі кіраўніка ўрада Вялікабрытаніі Акшаці Мурці.
Першая лэдзі Украіны падзякавала Брытаніі за падтрымку, у прыватнасці за арганізацыю «Еўрабачання» сумесна з украінскімі партнёрамі, паведамляе «Украінская праўда».
«Немагчымасць правядзення краінай-пераможцай гэтага конкурсу павінна стаць яшчэ адным напамінам свету аб захопніцкай вайне Расіі супраць Украіны», — падкрэсліла яна.
Да сустрэчы таксама далучыўся прэм'ер-міністр Вялікабрытаніі Рышы Сунак.
Зяленская перадала Акшаці Мурці запрашэнне на трэці саміт першых лэдзі і джэнтльменаў, які адбудзецца 6 верасня ў Кіеве і будзе прысвечаны тэме ментальнага здароўя.
У сваю чаргу, Мурці падкрэсліла: «Мы навучаем вашых вайскоўцаў, але насамрэч, гэта Вы вучыце нас. Мы вучымся ва Украіны і ўкраінцаў, як быць такімі моцнымі і ўстойлівымі».
Пасля сустрэчы першая лэдзі Украіны і Мурці разам наведалі Брытанскую бібліятэку.
Каранацыя Карла ІІІ пройдзе ў суботу 6 мая. На яе запрошана мноства кіраўнікоў краін, апроч кіраўнікоў сямі дзяржаў: Беларусі, Расіі, Ірана, М'янмы, Венесуэлы, Сірыі, Афганістана.
Украінскія СМІ не выключаюць, што на цырымоніі каранацыі будзе і Уладзімір Зяленскі, які ўчора быў у Нідэрландах.
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог13
Каментары
https://d3ge8ctsmrv6s9.cloudfront.net/ru/316018