Анджэя Пачобута вінавацяць у тым, што ён лічыць падзеі 17 верасня 1939 года «савецкай агрэсіяй»
Польскае выданне Rzeczpospolita піша, што журналіст-палітвязень Анджэй Пачобут з-за кратаў змог перадаць інфармацыю пра тое, у чым яго абвінавачваюць.
Гаворка ідзе пра некалькі ідэалагічных абвінавачанняў, якія фігуруюць у крымінальнай справе. Пракуроры палічылі словы Пачобута пра савецкую агрэсію супраць Польшчы 17 верасня 1939 года «распальваннем нацыянальнай варожасці».
Яшчэ адным «доказам» абвінавачання з'яўляюцца заявы Анджэя Пачобута ў абарону польскай адукацыі ў Беларусі.
У справе фігураваў і адзін з яго артыкулаў у Gazeta Wyborcza, у якім ён паведамляў пра жорсткае падаўленне поствыбарчых пратэстаў у ноч з 9 на 10 жніўня 2020 года. Абвінаваўцы рэжыму таксама ўгледзелі «ўзбуджэнне нянавісці» ў заявах і інтэрв'ю Пачобута, якія ён даў польскім СМІ. Але да справы прывязалі і ягоны артыкул у часопіс Magazyn Polski, які ён напісаў у 2006 годзе і прысвяціў «Олеху» (Анатолю Радзівоніку), аднаму з камандзіраў польскага антыкамуністычнага і вызваленчага падполля ў Гродзенскай вобласці.
«У лістах ён піша, што не эмацыйны, чытае кнігі і гатовы да горшага сцэнара. Вітае ўсіх, сяброў і незнаёмцаў. Ён усім удзячны за тое, што яны пішуць лісты, нягледзячы ні на што, — паведамляе жонка Анджэя Аксана. — Анджэю не дазваляюць перапісвацца з сынам, бо яны пішуць адно аднаму на польскай мове, — 16 месяцаў! За гэты час наш сын вырас вышэй за бабулю і дзядулю, — піша жанчына.
Гродзенскі журналіст і адзін з польскіх актывістаў у Беларусі Анджэй Пачобут быў затрыманы 25 сакавіка 2021 года. Яму закідаюць абвінавачанне па ч. 3 арт. 130 Крымінальнага кодэкса («Здзяйсненне групай асоб наўмысных дзеянняў, накіраваных на распальванне нацыянальнай, рэлігійнай варожасці і варожасці па прыкмеце нацыянальнай, рэлігійнай, моўнай прыналежнасці, і здзяйснення наўмысных дзеянняў па рэабілітацыі нацызму»), а знаходзіцца ён у СІЗА № 1 у Мінску па вуліцы Валадарскага.
Такое ж абвінавачанне было прад'яўлена яшчэ чатыром актывістам Саюза палякаў, у тым ліку кіраўніцы арганізацыі Анжаліцы Борыс. Але з усіх абвінавачаных па «справе палякаў» пад вартай цяпер застаецца толькі Пачобут.
-
Метрабудаўнікі паказалі, як будуць выглядаць новыя станцыі метро на ўчастку ад «Пярэспы» да станцыі «Парк Дружбы народаў»
-
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог
-
Палітвязня Эдуарда Бабарыку зноў будуць судзіць за «непадпарадкаванне адміністрацыі калоніі»
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог9
Каментары