Цалавацца не прынята ў большай частцы чалавечых культур
Бо гэта некамфортна, неабавязкова ці наогул агідна.
Даследчыкі культурнай антрапалогіі Інстытута імя Кінсі з універсітэта Індыяны ў Блумінгтане (ЗША) выявілі, што пацалункі лічацца нармальным спосабам узаемадзеяння між мужчынай і жанчынай толькі ў 46% чалавечых культур, пра што распавялі ў часопісе American Anthropologist.
Цалавацца адназначна прынята ва ўсіх культурах Бліжняга Усходу, у 73% азіяцкіх і 70% еўрапейскіх культур, ды не любяць цалавацца 81% культур Паўднёвай і 100% — Цэнтральнай Амерыкі.
Многія культуры лічаць гэта неабавязковым дзеяннем, робяць вельмі рэдка ці проста не ухваляюць такое, некаторыя нават лічаць агідным.
Навукоўцы прааналізавалі агромністую базу ведаў пра чалавечыя культуры ды апыталі амаль сотню этнографаў і антраполагаў. Агулам сабраныя звесткі пра 168 культур з усяго свету — як старажытных, так і сучасных. Надзейнай інфармацыі няма толькі пра плямёны Сахары і Новай Гвінеі, некаторыя плямёны Амазоніі.
Раней пацалункі меркаваліся «ўсялюдскай» з’явай, што дасталася нам ад рытуалаў продкаў-прыматаў. Нешта падобнае да пацалункаў заўважалі за шымпанзэ.
Сусветны дзень пацалунка адзначаецца 6 ліпеня. Самы доўгі у свеце пацалунак мужчыны з жанчынай працягваўся 58 з паловай гадзін, мужчыны з аўтамабілем — доўжыўся 76 гадзін.
-
«Усе жанчыны мараць пра гасцявы шлюб». Прыбіральшчыца з Мінска бачыцца з мужам толькі на выходных і лічыць гэту схему ідэальнай
-
«Ужо назбірала гарэм з арабаў і туркаў, але які сэнс?» Беларуска пра тое, як шукае мужа на сайтах знаёмстваў
-
Раман з фэйкавым Брэдам Пітам каштаваў жанчыне €830 тысяч. Яна нават развялася з рэальным мужам
Каментары