45-гадовую мінчанку асудзілі па трох палітычных артыкулах. Вось у чым яе вінавацілі
Алене Марозавай пагражала да 12 гадоў зняволення. Яе асоба стала вядомая толькі цяпер, хоць суд прайшоў яшчэ мінулай восенню.
Алене Марозавай 45 гадоў. Мяркуючы па сацсетках, яна закончыла Беларускі дзяржаўны эканамічны ўніверсітэт.
Марозава працавала ў кампаніі «Смартон». Гэта бізнэс, які оптам прадае паперу і папяровую прадукцыю, канцтавары, офісныя тавары ды тавары для дзіцячай творчасці.
Алену разам з сынам затрымалі ў сакавіку 2024 года па падазрэнні ва ўдзеле ў пратэстах. Спачатку яе пасадзілі на суткі, а пасля змясцілі ў СІЗА. Хутчэй за ўсё, справа ў неабароненым тэлеграм-акаўнце, прывязаным да яе нумара і, магчыма, нейкіх допісах у Аднакласніках.
Алену судзілі з 10 снежня 2024 года ў Мінскім гарадскім судзе. Яе вінавацілі па трох артыкулах — «заклікі да нанясення шкоды Беларусі» (ч. 3 арт. 361 КК), «распальванні варожасці» (ч. 1 арт. 130 КК) і «ўдзеле ў дзеяннях, якія груба парушаюць грамадскі парадак» (ч. 1 арт. 342 КК). Жанчыне пагражала да 12 гадоў калоніі.
«Наша Нiва» — бастыён беларушчыны
ПАДТРЫМАЦЬ«У гатэлі стаіць ахова толькі праз тое, што ты белай расы». Як беларус працаваў у В'етнаме, Зімбабвэ і Філіпінах9
Каментары