Пра перакрыццё 27 студзеня тэмпературнага рэкорда дня 42-гадовай даўніны сведчыць праведзены выданнем «Позірк» параўнальны аналіз аператыўных і архіўных звестак Белгідрамета, піша «Люстэрка».
Да 15.50 у Маларыце паветра прагрэлася да 12,4 градуса вышэй за нуль, у Пінску — да 12,3°С, Драгічыне — да 12,2°С, Брэсце — да 12°С пры папярэднім гістарычным максімуме 10 градусаў (27 студзеня 1983 года ў Брэсце). Гэтыя даныя папярэднія, выніковыя з'явяцца ўвечары.
У Мінску таксама перапісаны лакальны максімум: паветра прагрэлася да 8,9 градуса пры ранейшым экстрэмуме 5,5°С (у 1983 годзе).
Напярэдадні, 26 студзеня, тэмпературныя рэкорды былі зарэгістраваныя ў Гомелі — 6,8 градуса (5,3°С у 2008 годзе), Віцебску — 5,2°С (4,7°С у 1990-м) і Брагіне — 7,7°С (6,5°С у 1990-м). У Полацку паўтораны экстрэмум 35-гадовай даўніны (6,1°С).
Цяплей за ўсё было ў Брэсце — 9,1°С. Рэкорд дня належыць таксама яму — 11,4°С у 1990 годзе).
25 студзеня абнавіўся максімум дня ў Мсціславе (1,7°C супраць 1,6°C у 2008 годзе), паўтораны ў Магілёве (3,9°C у 2002-м).
У найбліжэйшыя дні Белгідрамет прагназуе захаванне вельмі цёплага для сярэдзіны каляндарнай зімы надвор'я: 28 і 29 студзеня чакаецца да 12 градусаў вышэй за нуль, 30-га — да +9°С.
Беларуская палітычная эмігрантка ляцела ў Грузію на самалёце, які экстранна пасадзілі ў Іране8
Каментары