Лукашэнка сустрэўся з Качанавай сам-насам і спытаў, што кажа народ
Аляксандр Лукашэнка правёў рабочую сустрэчу са старшынёй Савета Рэспублікі Наталляй Качанавай, паведамляе БелТА.
«Улічваючы, што вы праводзіце шмат сустрэч з людзьмі (і тэлефонныя прамыя лініі, і з воку на вока), што кажа народ? Я таксама шмат сустракаўся ў апошні час з людзьмі. Можа, мне не ўсе скажуць, як вам, таму гэта вельмі важна», — адзначыў Аляксандр Лукашэнка.
Таксама ён пацікавіўся бягучай дзейнасцю Савета Рэспублікі і планамі на найбліжэйшую перспектыву.
Лукашэнка таксама нагадаў, што пры верхняй палаце парламента працуе экспертная рада. «Што вы бачыце, у якім кірунку тут рухацца, каб нам прымаць больш вывераныя і дакладныя законы ў нашай дзяржаве?» — спытаў ён.
Наталля Качанава, у сваю чаргу, падзякавала Лукашэнку за магчымасць абмеркаваць пытанні, якія, па яе словах, цяпер выйшлі на парадак дня.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне6
Каментары