Старшыня Еўрарады: Еўразвяз дасць яшчэ 1,5 мільярда еўра на зброю для Украіны
Старшыня Еўрарады Шарль Мішэль у ходзе сённяшняга візіту ў Кіеў заявіў, што ЕС выдзеліць дадатковыя 1,5 млрд еўра вайсковай дапамогі Украіне, паведамляе Reuters.
Шарль Мішэль (у цэнтры) у Барадзянцы
У ходзе візіту Шарль Мішэль наведаў пад Кіевам горад Барадзянку, разбураны расійскімі войскамі.
«У Барадзянцы. Як Буча і многія іншыя гарады ва Украіне. Гісторыя не забудзе ваенных злачынстваў, якія былі здзейсненыя. Не можа быць свету без справядлівасці», — напісаў ён у Twitter.
Акрамя таго, ён сустрэўся з прэзідэнтам Украіны Уладзімірам Зяленскім. Паводле паведамлення прэс-службы Зяленскага: «Абмеркавалі санкцыі супраць Расіі, абаронную і фінансавую падтрымку нашай дзяржавы і адказы для анкеты аб адпаведнасці крытэрыям ЕС». Пры гэтым Зяленскі назваў Мішэля «вялікім сябрам Украіны».
Чытайце таксама:
Кіраўнік Еўрапейскай Рады Шарль Мішэль прыехаў у Кіеў
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне6
Каментары