Staršynia Jeŭrarady: Jeŭraźviaz daść jašče 1,5 miljarda jeŭra na zbroju dla Ukrainy
Staršynia Jeŭrarady Šarl Mišel u chodzie siońniašniaha vizitu ŭ Kijeŭ zajaviŭ, što ES vydzielić dadatkovyja 1,5 młrd jeŭra vajskovaj dapamohi Ukrainie, paviedamlaje Reuters.
U chodzie vizitu Šarl Mišel naviedaŭ pad Kijevam horad Baradzianku, razburany rasijskimi vojskami.
«U Baradziancy. Jak Buča i mnohija inšyja harady va Ukrainie. Historyja nie zabudzie vajennych złačynstvaŭ, jakija byli ździejśnienyja. Nie moža być śvietu biez spraviadlivaści», — napisaŭ jon u Twitter.
Akramia taho, jon sustreŭsia z prezidentam Ukrainy Uładzimiram Zialenskim. Pavodle paviedamleńnia pres-słužby Zialenskaha: «Abmierkavali sankcyi suprać Rasii, abaronnuju i finansavuju padtrymku našaj dziaržavy i adkazy dla ankiety ab adpaviednaści kryteryjam ES». Pry hetym Zialenski nazvaŭ Mišela «vialikim siabram Ukrainy».
Čytajcie taksama:
Kiraŭnik Jeŭrapiejskaj Rady Šarl Mišel pryjechaŭ u Kijeŭ
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary