«Усе прызначаныя аб’екты паражоныя» — Мінабароны Расіі пра сённяшнія ўдары па Украіне
Мінабароны Расіі пацвердзіла нанясенне масіраванага ракетнага ўдару па Кіеве і Харкаве. Там кажуць, што цэлямі былі аб'екты ВПК, і ўсе яны былі дакладна паражоныя.
«Нанесены групавы ўдар высокадакладнай зброяй вялікай далёкасці паветранага і наземнага базавання па аб'ектах ваенна-прамысловага комплексу Украіны, якія вырабляюць ракеты і камплектуючыя да іх, боепрыпасы, а таксама выбуховыя рэчывы», — гаворыцца ў заяве.
Мінабароны таксама сцвярджае, што «ўсе прызначаныя аб'екты паражоныя».
Тым часам колькасць загінулых ад начнога абстрэлу Украіны вырасла да шасці чалавек.
Пяць чалавек загінулі і 46 пацярпелі ў Харкаве падчас начнога абстрэлу горада, паведамілі ў офісе генпракурора Украіны. З-пад завалаў аднаго з дамоў ратуюць сям'ю.
У Кіеве ад абстрэлу пацярпелі 12 чалавек, у тым ліку трое дзяцей.
У Паўлаградзе Днепрапятроўскай вобласці загінуў адзін чалавек.
Усяго УСУ збілі 21 ракету з 41, заявіў галоўнакамандуючы Валерый Залужны.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9
Каментары