«Зараз мы са старэйшым братам параімся і вырашым». Пра што гаварылі Лукашэнка і Пуцін падчас перамоваў
Лукашэнка і Пуцін дамовіліся ўмацоўваць адзіную абаронную прастору. Пра гэта заявіў сёння журналістам Уладзімір Пуцін па выніках сустрэчы ў Маскве з Аляксандрам Лукашэнкам.
«Падчас сённяшніх перамоў падрабязна абмяркоўвалася тэма ўмацавання адзінай абароннай прасторы. Мы дамовіліся і далей прымаць усе неабходныя меры для забеспячэння бяспекі дзвюх краін», — сказаў Уладзімір Пуцін.
Таксама Пуцін заявіў, што залогам аднаўлення грамадзянскага міру ва Украіне і зняцця напружанасці з'яўляецца выкананне мінскіх дамоўленасцяў. «Украіна іх не выконвае», — сказаў Пуцін.
Ён таксама падкрэсліў, што сумесныя беларуска-расійскія вучэнні нікому не пагражаюць.
Пуцін пажадаў беларусам правесці дастойна рэферэндум 27 лютага.
Лукашэнка ў сваім выступе заявіў, што ніхто не хоча вайны і канфліктаў.
«Нам гэта не трэба. Ні расіянам, ні беларусам», — сказаў ён.
«Улічваючы вастрыню сітуацыі, сёння мы з прэзідэнтам шмат увагі надалі менавіта гэтай праблематыцы і абмеркавалі нашы магчымыя сумесныя дзеянні, як адказ на агрэсіўныя паводзіны заходніх партнёраў, — сказаў ён. — Упершыню за дзясяткі гадоў мы апынуліся на парозе канфлікту, здольнага зацягнуць, як у варонку, увесь кантынент.
Мы бачым сёння безадказнасць і, ужо прабачце за шчырасць, слабы розум шэрагу заходніх палітыкаў, паводзіны кіраўнікоў краін-суседзяў, якія не паддаюцца логіцы і разумнаму тлумачэнню, іх проста-такі хваравітае жаданне прайсціся па самым краі».
Ён адзначыў, што Беларусь і Расія, абараняючы свае народы і дзяржавы, дзейнічаюць адэкватна: «Але каму нешта карціць, то адказ будзе асіметрычным і адэкватным».
Лукашэнка, адказваючы на пытанні журналістаў, заявіў, што вялікая частка перамоваў была прысвечаная таму, як разам супрацьстаяць санкцыям.
«Мы канкрэтна абмяркоўвалі пытанні. Напрыклад, калійныя ўгнаенні. Нам патрэбны порт. А нам Літва закрыла выхады.
Нам трэба, каб на радзіме, пад Ленінградам, Піцерам пабудавалі порт. І каб мы там грузілі грузы. Мы выстаім», — сказаў Лукашэнка.
Паводле слоў беларускага кіраўніка, «шанцы Захаду зламаць Беларусь нікчэмныя».
Таксама Лукашэнку спыталі наконт «вечнага прэзідэнцтва» (нагадаем, учора ён заявіў, што, калі «атакі на Мінск працягнуцца, ён будзе «вечным прэзідэнтам»).
«Зараз мы са старэйшым братам параімся і вырашым», — адказаў Лукашэнка.
МЗС Расіі апублікаваў тэкст ліста для ЗША па гарантыях бяспекі
Белыя ды чырвоныя кветкі і мора слёз. Як у Вільні сустракалі Паліну Шарэнду-Панасюк29
Каментары