Крэмль адмаўляе перамовы аб абмене Навальнага: Была толькі вылучана ідэя
Прадстаўнік Крамля Дзмітрый Пяскоў адмаўляе перамовы наконт абмену Аляксея Навальнага пасля таго, як Уладзімір Пуцін заявіў, што гатовы быў да абмену, піша Бі-бі-сі.
«Ён [Пуцін] распавёў пра тое, што была вылучана ідэя адным з людзей аб абмене Навальнага, на якую ён патэнцыйна пагадзіўся і пра гэта адразу ж сказаў таму, хто такую ідэю высунуў. Пуцін не казаў пра тое, што былі праведзеныя на гэты конт перамовы», — сказаў Пяскоў.
Уначы пасля прэзідэнцкіх выбараў Пуцін упершыню пракаментаваў паведамленні аб падрыхтоўцы абмену Навальнага, пра які раней распавядалі паплечнікі загінулага ў калоніі палітыка. Прэзідэнт Расіі пры гэтым першы раз назваў Навальнага па прозвішчы.
«За некалькі дзён да сыходу спадара Навальнага з жыцця мне некаторыя калегі — не супрацоўнікі адміністрацыі, а некаторыя людзі — сказалі, што ёсць ідэя абмяняць спадара Навальнага на некаторых людзей, якія знаходзяцца ў месцах пазбаўлення волі ў заходніх краінах», — сказаў Пуцін, адказваючы на пытанне амерыканскага журналіста.
«Вы можаце мне паверыць, можаце не: чалавек, які са мной гаварыў, яшчэ фразу не скончыў, а я сказаў: я згодны», — дадаў Пуцін, удакладніўшы, што быў згодны на абмен толькі пры адной умове: калі б Навальны не вярнуўся б у Расію.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9
Каментары