Abmienieny rasijski špijon jak minimum dva razy prychodziŭ u ofis da Łatuški
Namieśnik staršyni Abjadnanaha pierachodnaha kabinieta, kiraŭnik Narodnaha antykryzisnaha ŭpraŭleńnia Pavieł Łatuška paviedamiŭ vydańniu «Pozirk», što pieradadzieny ŭčora Rasii ŭ ramkach abmienu źniavolenymi rasijski ahient Pavieł Rubcoŭ dvojčy prychodziŭ u ofis NAU brać u jaho intervju.
Rubcoŭ pracavaŭ u Polščy da lutaha 2022 hoda i pradstaŭlaŭsia ispanskim žurnalistam rasijskaha pachodžańnia Pabła Hansalesam. U ŚMI paviedamlałasia, što Rubcoŭ-Hansales byŭ zatrymany 28 lutaha 2022 hoda pa padazreńni ŭ špijanažy.
«Hansales jak minimum dvojčy prychodziŭ u ofis NAU, kab uziać u mianie intervju dla ispanskich vydańniaŭ. U jakaści śviedki pa hetaj kryminalnaj spravie ja davaŭ pakazańni», — skazaŭ Łatuška.
Na dumku palityka, fakt taho, što «pradstaŭnik rasijskich śpiecsłužbaŭ» siadzieŭ nasuprać jaho «na adlehłaści vyciahnutaj ruki», demanstruje, z adnaho boku, «aktyŭnaść rasijskich śpiecsłužbaŭ na terytoryi Jeŭrapiejskaha Sajuza, a z druhoha boku, pakazvaje realnaść ryzyk i pahroz, jakija ŭźnikajuć dla pradstaŭnikoŭ demakratyčnych sił».
«Heta jašče raz paćviardžaje nieabchodnaść uzmacniać miery biaśpieki, u tym liku i samabiaśpieki dla ŭsich tych, chto praciahvaje zmahacca suprać režymu Łukašenki. Ryzyki absalutna realnyja», — padkreśliŭ kiraŭnik NAU.
Akramia taho, pra toje, što «Pabła Hansales» u listapadzie 2021 hoda prychodziŭ brać intervju i da jaho, zhadaŭ u kamientarach da adnaho z pastoŭ u fejsbuku kiraŭnik Biełaruskaha doma ŭ Varšavie Aleś Zarembiuk.
Były polski ministr: Rasijanina Rubcova Polšča pavinna była addać za Pačobuta
Čamu rasijskich palitviaźniaŭ vyzvalili, a biełaruskich nie? Usio prosta
Pucin jašče raz patelefanavaŭ Łukašenku i padziakavaŭ «za dapamohu»
Były dypłamat Macukievič: Režymu nie ciažka vyzvalić usich palitźniavolenych na praciahu 48 hadzin. Heta vialiki pravał apazicyi
Niamieckija ekśpierty ličać abmien źniavolenymi niebiaśpiečnym precedentam
Sikorski: Polšča praciahvaje pracavać nad vyzvaleńniem Pačobuta
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie12
Kamientary