Žurnalista Ihara Iljaša abvinavačvajuć pa dvuch kryminalnych artykułach
Stała viadoma, što Ihara Iljaša abvinavačvajuć u «dyskredytacyi Biełarusi» (art. 369-1 KK) i «sadziejničańni ekstremisckaj dziejnaści» (č. 2 art. 361-4 KK). Jahonuju spravu pačnuć razhladać užo 21 lutaha ŭ Minskim haradskim sudzie. Praces budzie vieści sudździa Siarhiej Kacar, piša «Viasna».
Pra zatrymańnie Ihara Iljaša stała viadoma 22 kastryčnika. Praŭładnyja telehram-kanały pisali, što Iljaš zajmaŭsia «sadziejničańniem ekstremisckim farmavańniam» — davaŭ intervju niezaležnym ŚMI, a taksama nibyta «zajmaŭsia zboram infarmacyi dla zamiežnych raźviedak» — davaŭ kamientary ŭkrainskim vydańniam.
Žonka Ihara Iljaša — palitźniavolenaja žurnalistka Kaciaryna Andrejeva (Bachvałava). Jana była zatrymanaja 15 listapada 2020 hoda padčas viadzieńnia strymu dla «Biełsata» z «Płoščy Pieramien» u Minsku i z taho času na volu nie vyjšła. Spačatku jaje asudzili na 2 hady źniavoleńnia za «arhanizacyju dziejańniaŭ, jakija hruba parušajuć hramadski paradak», ale niezadoŭha da zakančeńnia terminu praviali novy sud za «zdradu dziaržavie» i prysudzili jašče 8 hadoŭ i 3 miesiacy.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie6
Kamientary