Minski abłasny sud 23 žniŭnia razhledzić spravu ab likvidacyi hramadskaha abjadnańnia «Biełaruskaja asacyjacyja cyhanoŭ «Roma». Pazoŭ padało Ministerstva justycyi, pasiadžeńnie źjaviłasia ŭ raskładzie suda.
Hramadskaje abjadnańnie «Biełaruskaja asacyjacyja cyhanoŭ «Roma» zarehistravali ŭ Biełarusi ŭ 1998 hodzie. Pavodle aficyjnych źviestak, u Biełarusi ciapier žyvie kala 7 tysiač cyhanoŭ — 0,1% ad usiaho nasielnictva. Choć nasamreč ich, vidać, kudy bolš. Vice-prezident Biełaruskaj asacyjacyi cyhanoŭ «Roma» Uładzimir Maćviejeŭ u 2014 hodzie nazyvaŭ ličbu ŭ 60 tysiač cyhanoŭ, tracina ź jakich žyvie ŭ Homielskaj vobłaści.
Heta nie pieršaja cyhanskaja arhanizacyja, jakuju likvidujuć sioleta ŭ Biełarusi. 26 maja ŭžo likvidavali «Ašmianskuju cyhanskuju hramadu». Toje ž samaje adbyvajecca i adnosna arhanizacyj inšych nacyjanalnych i etničnych mienšaściaŭ, jakija patraplajuć pad chvalu sucelnaj likvidacyi niepadkantrolnych dziaržavie struktur hramadzianskaj supolnaści.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary