Voś jak jany buduć vyhladać.
Pra heta padčas pramoj linii paviedamiŭ namieśnik staršyni Minharvykankama Alaksandr Černikaŭ, adkazvajučy na pytańnie nakont budaŭnictva mietro ŭ rajonie płoščy Banhałor. Pra heta piša «Minsk-Naviny».
«Budaŭnictva mietrapalitena idzie pa płanie. Hrafik napružany, ale vykonvajecca. U lipieni buduć zavieršany budaŭniča-mantažnyja raboty na troch stancyjach, paśla čaho pačnucca puskanaładačnyja raboty. My ŭkładvajemsia ŭ terminy — da kanca hoda ŭ Minsku zapracujuć try novyja stancyi», — skazaŭ pradstaŭnik Minharvykankama.
Sioleta płanujecca zdać druhi ŭčastak treciaj linii sa stancyjami «Aeradromnaja», «Niemaršanski sad», «Słucki haściniec». U dalejšym jaho raźvićcio pojdzie ŭ napramku Zialonaha Łuha, pavinny być pabudavany stancyi «Park Družby narodaŭ», «Kamaroŭskaja», «Piarespa» i «Prafsajuznaja».
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary