«Mask straciŭ ciarpieńnie». Iłan Mask moža zabłakavać tvitar (X) na terytoryi Jeŭrasajuza — Business Insider
Pa infarmacyi vydańnia Business Insider, miljarder Iłan Mask dapuskaje mahčymaść poŭnaj błakiroŭki sacsietki X (były tvitar) na terytoryi Jeŭrasajuza, a taksama abmiežavańnie dostupu da jaje dla ŭsich žycharoŭ krain ES. Pavodle krynicy, taki nastroj Maska vyklikany jaho niežadańniem vykonvać adzin z novych zakonaŭ ES.
Jak paviedamlaje krynica vydańnia, Mask «rasčaravany i razzłavany» z-za nieabchodnaści vykonvać novy zakon ES ab ličbavych pasłuhach (Digital Service Act, DSA), jaki dazvolić Jeŭrasajuzu macniej rehulavać bujnyja suśvietnyja sacsietki dla abarony karystalnikaŭ ad dezynfarmacyi i prapahandy, asabliva rasijskaj.
«Mask straciŭ ciarpieńnie i hatovy da samych radykalnych rašeńniaŭ. Jon nie razumieje miechanizma realizacyi novaha zakona, tamu nie raz źviartaŭsia da ŭładaŭ ES z prośbaj ab padrabiaznych tłumačeńniach, ale nijakaj jasnaści ŭ hetym pytańni da hetaha času niama», — raspaviała krynica vydańnia Business Insider, blizka znajomaja ź situacyjaj.
Novy zakon ES ab ličbavych pasłuhach ustupiŭ u siłu ŭ žniŭni hetaha hoda i zaklikany bolš pilna sačyć za dziejnaściu sacsietak, bujnych anłajn-płatformaŭ i internet-pošukavikaŭ, čyja ličba ŭnikalnych karystalnikaŭ pieravyšaje 45 miljonaŭ čałaviek (usiaho zakon zakranaje 19 płatformaŭ, uklučajučy X, Facebook, Instagram, servisy Apple i Google, «Vikipiedyju» i inšyja).
Hałoŭnaja meta novaha zakona — abmiežavać upłyŭ dezynfarmacyi i prapahandy ŭ internecie, spraścić miechanizm padačy skarhaŭ karystalnikami na takija publikacyi i zabiaśpiečyć bolšuju abaronu dziaciej ad rekłamy i kantentu dla darosłych.
«O boža, heta niadobra!» Mask raskazaŭ pra «cudoŭnuju razmovu» z Pucinym
Što takoje Bluesky, kudy biełarusy sychodziać z tvitara? I ŭ jakim stanie ciapier Bel_sky?
«Biełaruski starlink» sapraŭdy isnuje. Praŭda, jon nie biełaruski, a franka-italjanski. I nie starlink, a tanny anałah. Voś jak jon pracuje
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary