Jašče 2 lipienia jon daručyŭ uradu i Ministerstvu zamiežnych spraŭ prapanavać zachodnim susiedziam «płan dobrasusiedstva i miru».
«I z palakami treba razmaŭlać. Ja daručyŭ premjer-ministru źviazacca ź imi. Kali jany chočuć, davajcie razmaŭlać, naładžvać adnosiny. My susiedzi, a susiedziaŭ nie vybirajuć, jany ad Boha. Ale ŭ ich 15 kastryčnika parłamienckija vybary, i, viadoma, im treba ciapier nahniatać, nahniatać abstanoŭku dla taho, kab pakazać, što jany pravilna ŭzbrojvali i pieraŭzbrojvali krainu. Tamu da 15 kastryčnika jany naŭrad ci pojduć na niejkija istotnyja źmieny, vyhadnyja im i nam. Jany šmat čaho patrabujuć ad nas i prosiać, ale my na heta pajści nie možam, bo heta supiarečyć našym intaresam», — upeŭnieny Łukašenka.
Jon pierakanany, što Polšča nie sama pa sabie nahniataje stanovišča ŭ rehijonie, a jaje padšturchoŭvajuć da hetaha Złučanyja Štaty.
«Amierykancy zrabili staŭku na Polšču. Ale palaki — ludzi nie durnyja. Heta našy ludzi, słavianie. Jany ŭsio vydatna razumiejuć. Paciarpim, pahladzim. My adkrytyja dla supracoŭnictva», — zajaviŭ jon.
Łukašenka taksama zajaviŭ, što jon hatovy choć zaŭtra pryniać u krainie zachodnija kampanii.
«My ludzi nie ahresiŭnyja. Jašče raz padkreślivaju: my ni z kim nie źbirajemsia vajavać. Ja vam kažu heta pastajanna», — skazaŭ Alaksandr Łukašenka.
Varšava raniej nieadnarazova zaklikała Łukašenku spynić represii ŭ krainie, a taksama zajaŭlała, što admiena abmiežavańniaŭ na miažy budzie ŭviazana z vyzvaleńniem asudžanaha na vosiem hadoŭ kałonii žurnalista, aktyvista Sajuza palakaŭ Andreja Pačobuta.
Łukašenka zajaviŭ, što dziaciej z Ukrainy vyvoziać na Zachad, dzie rasčlaniajuć i dastajuć orhany
«Kankurenty nas pačynajuć prydušvać». Łukašenka prakamientavaŭ situacyju ź biełaruskimi aŭtobusami, jakija harać u Sankt-Pieciarburhu
Łukašenka prapanavaŭ pabudavać jašče adnu AES
Łukašenka čakaje ŭ Minsku zachodnija avijakampanii
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh4
Kamientary
Tak čto davaj ,daražeńki,sdiełaj miłosť.