Recept na vychadnyja. Kieksy z malinami i biełym šakaładam — novy smak letniaha desiertu
Pasprabujcie hety recept, pakul jość śviežyja maliny. Zrešty, dla ich možna brać i zamarožanyja maliny.
Fota: BBC Food
Kab zhatavać kieksy z malinami i biełym šakaładam, vam spatrebicca:
- 300 hramaŭ muki,
- 225 hramaŭ cukru,
- paŭtary čajnyja łyžki sody,
- drobka soli,
- 100 mililitraŭ małaka,
- 100 mililitraŭ śmiatany,
- 3 jajki (treba ich uźbić),
- 5 stałovych łyžak aleju,
- 1 čajnaja łyžka vanilnaha ekstraktu (ci 15 hramaŭ vanilnaha cukru),
- 150 hramaŭ malin,
- 100 hramaŭ drobna pasiečanaha biełaha šakaładu.
- Razahrejcie duchoŭku da 190 hradusaŭ. Padrychtujcie formy dla 12 kieksaŭ: pramažcie masłam usie zahłybleńni abo vykładzicie ŭ zahłybleńni papieru dla vypiakańnia.
- Prasiejcie ŭ vialikuju misku muku, cukar, charčovuju sodu i sol, pieramiašajcie ŭsio.
- Uźbivajcie razam małako, śmiatanu, jajki, alej i vanil, pakul jany dobra nie pieramiašajucca.
- Ulicie sumieś z małaka i jajek u suchija inhredyjenty i pieramiašajcie vialikaj mietaličnaj łyžkaj ci špatalem. Dadajcie maliny i šakaład i źmiešvajcie da adnarodnaści, ale nie daŭžej.
- Łyžkaj vykładzicie sumieś u formy dla kieksaŭ. Vypiakajcie kala 25 chvilin abo pakul kieksy dobra nie padymucca i nie stanuć załacista-karyčnievymi.
- Pierakładzicie kieksy na rašotku, kab astudzić ich. Lepiej za ŭsio jeści kieksy ŭ dzień vypiakańnia.
Kamientary
čaho vy pytajeciesia ŭ nas?