24 žniŭnia Viačasłaŭ Čarnucha-Volič pryznačany hałoŭnym dyryžoram Nacyjanalnaha teatra opiery i baleta Biełarusi. Ale ŭžo siońnia, 26 žniŭnia, jon pakinuŭ svaju pasadu. Infarmacyju pra heta maestra paćvierdziŭ Tut.by.
— Ja napisaŭ zajavu pa stanie zdaroŭja. Ja nie mahu vykonvać svaje abaviazki. U mianie kavidnaja dvuchbakovaja pnieŭmanija. Lačeńnie idzie nie tak chutka, jak mnie chaciełasia. I my pryjšli da takoha pahadnieńnia. Heta adzinaje, što mahu vam prakamientavać, — zajaviŭ Viačasłaŭ Ivanavič.
Jak paviedamili partału niekalki supracoŭnikaŭ teatra, sychod Čarnuchi-Voliča nijak nie źviazany sa stanam jaho zdaroŭja.
Pavodle infarmacyi Tut.by, sychod dyryžora źviazany z kalektyŭnym listom, jaki supracoŭniki Opiernaha teatra napisali ŭ padtrymku Kupałaŭskaha teatra. Na hety momant pad im sabrali ŭžo bolš za 300 podpisaŭ.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary