Sacyjał-demakraty pa vynikach dvuch turaŭ mohuć raźličvać na 52 miescy ŭ parłamiencie z 141.
Sacyjał-demakratyčnaja partyja Litvy pieramahła pa vynikach druhoha turu parłamienckich vybaraŭ, jaki prajšoŭ u niadzielu, i ciapier maje namier sfarmavać kiroŭnuju kaalicyju. U pieršym tury dva tydni tamu partyja taksama zaniała pieršaje miesca, piša Bi-bi-si.
Pa danych Hałoŭnaj vybarčaj kamisii Litvy, sacyjał-demakraty pa vynikach dvuch turaŭ mohuć raźličvać na 52 miescy ŭ parłamiencie z 141.
Partyja, jakaja apošnija hady była ŭ apazicyi, razhladaje mahčymaść stvareńnia trochpartyjnaj kaalicyi z demakratyčnym sajuzam «U imia Litvy» i Sajuzam sialan i zialonych.
Kiroŭnaja zaraz partyja kansiervataraŭ «Sajuz Ajčyny — chryścijanskija demakraty Litvy» atrymlivaje 28 mandataŭ. Jaje lidar Habryelus Łandśbierhis užo pavinšavaŭ sacyjał-demakrataŭ ź pieramohaj.
«Sapraŭdy mocny vystup. Ja žadaju adkaznaha ŭrada, adkaznaha padychodu, ja nie sumniavajusia, što niedachopu ŭ hetym niama», — skazaŭ jon.
Lidar sacyjał-demakratyčnaj partyi, deputat Jeŭraparłamienta Vilija Blinkiavičucie, jakuju ŭ štabie sustrakali kvietkami i apładysmientami, padziakavała hramadzianam Litvy za padtrymku.
«Vyniki vybaraŭ pakazali, što narod Litvy choča pieramienaŭ, jamu patrebny zusim inšy ŭrad», — skazała jana.
Blinkiavičucie, jak čakajecca, pakinie pasadu čalca Jeŭraparłamienta i ŭznačalić urad Litvy, adnak sama jana na pytańni žurnalistaŭ z hetaj nahody pakul adkazvaje ŭnikliva.
«My abmiarkujem heta ŭ partyi. My ŭzvažym usie za i suprać. Pahladzim, jakaja budzie bolšaść, z čaho jana składajecca — i tady buduć pastanovy», — skazała jana, dadaŭšy, što pastanovy buduć pryniatyja na hetym tydni.
Vilija Blinkievičucie nieadnarazova zajaŭlała, što zamiežnaja palityka Litvy nie źmienicca, a dapamoha Ukrainie zastaniecca pryjarytetam dla ŭładaŭ.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary