«Idealny piksiel». Hladzicie, jakuju kalekcyju adzieńnia vypuściŭ modny brend Loewe FOTY
Jak u starych piksielnych hulniach.
Ispanski dom mody Loewe prezientavaŭ novuju kalekcyju žanočaha adzieńnia, całkam aformlenaha ŭ vialiki piksiel. Kalekcyja adnosicca da viasny-leta 2023 hoda.
Sam brend śpiecyjalizujecca na luksavych tavarach i jość adnym z najstarejšych modnych damoŭ u śviecie.
Styl kalekcyi novaha adzieńnia, jaki paznačany na sajcie brenda jak «idealny piksiel», imituje hrafiku starych i niekatorych sučasnych piksielnych kampjutarnych hulniaŭ (asabliva mocna jano padobna da stylistyki hulni Minecraft).
Pakazvajem, jak heta vyhladaje zboku.
Kolki heta ŭsio kaštuje?
Novaje piksielnaje adzieńnie i aksiesuary ad Loewe kaštujuć vielmi niatanna (sam asartymient nievialiki, jon składajecca tolki z vaśmi pazicyj).
Naprykład, piksielnaja mini-spadnica, adna z samych nizkich pa canie pazicyj u kalekcyi, budzie kaštavać 680 jeŭra (amal 1900 rubloŭ). A samaje darahoje ŭ asartymiencie — heta piksielnaja žanočaja sumka koštam 2700 jeŭra (ci 7,5 tysiačy rubloŭ).
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary
A nie triapka po cienie tielevizora!