Jak vajna va Ukrainie adbivajecca na pracy zavoda «Santa Bremar»
Prajekt «Pražektar rehijonaŭ» pry Ofisie Śviatłany Cichanoŭskaj pahavaryŭ ź ludźmi, jakija raskazali, što na zavodzie «Santa Bremar» nibyta płanujecca adnačasovaje zvalnieńnie vialikaj kolkaści ludziej — kala tysiačy. Kampanija heta źniapraŭdžvaje, ale pryznaje, što prablemy jość.
Prynamsi, pres-słužba hrupy kampanij «Santa» prysłała aficyjny adkaz.
«U nas jość nastupstvy ŭ suviazi z vajennymi dziejańniami na terytoryi Ukrainy. Tam znachodzicca naša daččynaje pradpryjemstva «Santa-Ukraina», jakoje zajmajecca dystrybucyjaj pradukcyi «Santa Bremar» i «Savuškin pradukt», a taksama składski łahistyčny kompleks. Usiaho 235 čałaviek.
Na siońnia asnoŭnaja častka supracoŭnikaŭ nie pracuje, adnak im zachavany i vypłačvajecca zarobak. Składski kompleks pracuje, razvozim pradukcyju «Santa Bremar» i «Savuškin pradukt» jak humanitarnuju dapamohu pa śpiecyjalnych centrach i balnicach Kijeva, Kijeŭskaj vobłaści».
Ciapier pastavak va Ukrainu, Polšču i krainy Bałtyi niama, kažuć u kampanii.
«Heta składaje da 10% ad ahulnaha abjomu vypusku. Adnačasova za košt devalvacyjnych i inflacyjnych pracesaŭ na rynkach Biełarusi i Rasiei my nazirajem źnižeńnie pakupnickaj zdolnaści nasielnictva, što pryvodzić da źnižeńnia abjomaŭ vytvorčaści jašče na 10%. Takim čynam, na siońniašni dzień my majem pa fakcie źnižeńnie abjomaŭ vytvorčaści na 20%».
U suviazi z hetym pradpryjemstva prypyniła pryjom na pracu novych supracoŭnikaŭ, kažuć u kampanii. Taksama niekatoryja rabotniki adpraŭlenyja ŭ płanavyja adpačynki raniej praduhledžanych pierad tym terminaŭ. Źnižeńnia zarobkaŭ nibyta niama, bo forma apłaty ździelnaja, a staŭki raniejšyja, kolkaść rabotnikaŭ, jakija znachodziacca ŭ adpačynkach za svoj košt, adpaviadaje siezonu.
«Infarmacyja pra toje, što z pradpryjemstva źbirajucca zvolnić bolš za 1000 supracoŭnikaŭ, — nie adpaviadaje rečaisnaści. Situacyja niaprostaja, adnak pradpryjemstva prykładaje ŭsie namahańni, kab zachavać pracoŭny kalektyŭ», — zaviaršaje svoj adkaz pres-słužba kampanii.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie8
Kamientary