Spatrebiłasia šmatmiesiačnaje abajańnie z boku premjer-ministra Italii Džordžy Miełoni i haścinnaść Emaniuela Makrona, kab prymusić premjer-ministra Vienhryi pahadzicca padtrymać adpraŭku dapamohi Ukrainie na 50 miljardaŭ jeŭra.
Miełoni viała razmovy z Orbanam dziakujučy ich daŭnim adnosinam, skazali dva dypłamaty z krain, jakija nie padzialajuć jaje pravych palityčnych pohladaŭ. «Jana niekalki razoŭ sprabavała stać suviaznym źvianom, i składvajecca ŭražańnie, što hetym razam heta spracavała», — skazaŭ Politico adzin z dypłamataŭ.
Makron u studzieni zaprasiŭ Orbana na abied u Jelisiejski pałac, padčas jakoha zaklikaŭ padzialicca mierkavańniem, jak lepš intehravać uschodnija krainy Jeŭropy. Prezident Francyi adyhraŭ klučavuju rolu ŭ pieramovach, padkreślili krynicy vydańnia z roznych krain.
«Jon nikoli nie chacieŭ antahanizavać Orbana, a chutčej pryciahnuć jaho na svoj bok. Heta padychod, jaki akuplajecca siońnia», — skazaŭ surazmoŭca, blizki da prezidenta.
Orban, narešcie, zdaŭsia za śniadankam z kiraŭnikom Jeŭrakamisii Ursułaj fon der Lajen, kancleram Niamieččyny Ołafam Šolcam, Emaniuelem Makronam i Džordžaj Miełoni.
Pastanova, pryniataja na samicie ŭ Bruseli ŭ čaćvier, była klučavoj dla lidaraŭ ES, jakija chacieli prademanstravać padtrymku Ukrainie, adnačasova pakazaŭšy, što jany zdolnyja strymać vieta Vienhryi. Orban nieadnarazova pahražaŭ prymianić taktyčnaje vieta pa šyrokim kole jeŭrapiejskich pytańniaŭ, kab uziać hrošy ŭ ES.
Vystupajučy na sustrečy ŭ čaćvier, lidary padkreślili, što, choć uhoda biez udziełu Vienhryi mahčymaja, dla Rasii heta budzie sihnałam pra adsutnaść jeŭrapiejskaha adzinstva.
Pakiet na 50 miljardaŭ jeŭra dapamohi Ukrainie ŭzhodnieny ŭsimi 27 členami ES
U vypadku dałučeńnia Ukrainy da Jeŭrasajuza, da ES dałučycca i Biełaruś, tam budzie revalucyja — Viktar Orban
«U Orbana pistalet, a ŭ nas bazuka». Jeŭrasajuz pryhraziŭ razvalić ekanomiku Vienhryi, kali taja znoŭ zabłakuje dapamohu dla Ukrainy
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»14
Kamientary
ludzi hibli...