Sabrali padborku niaŭdałych rečaŭ, jakich varta pazbavicca.
Moda i piersanalny styl — roznyja paniaćci. Pieršaje — raskazvaje pra trendy, druhoje — pra ŭnutrany śviet čałavieka. Śviet mody i piersanalnaha stylu mohuć naohuł nie pierasiakacca, i heta taksama budzie narmalna. Tym nie mienš isnuje niekalki rečaŭ, jakija psujuć luby łuk. Pra ich i pahavorym.
Kašuli ź vialikaj kolkaściu detalaŭ
Takaja madel — dakładny sposab dadać sabie niekalki hadoŭ. Hetyja kašuli byli papularnyja ŭ pačatku nulavych, ale i tady jany vyhladali dziŭna: lišnija detali pierahružajuć vobraz, a rušy z bavoŭny chutka mnucca i zaŭsiody vyhladajuć nieachajna.
Čym zamianić takija kašuli?
Kali na pracy chočacca vyhladać pa-žanocku, a ofisny dres-kod nie dazvalaje nasić błuzki, to zamianicie rušy i vałany na mužčynskuju kašulu. Ale kali b vy chacieli nabyć sabie takuju, to abirajcie madeli z tonkaj tkaniny, kab jana płaŭna achinała cieła, a nie tapyryłasia vakoł jaho.
Džynsy nie pa pamiery
Džynsy ź niaŭdałaj pasadkaj mohuć sapsavać praporcyju i vizualna źmianić fihuru nie ŭ lepšy bok. Tamu padčas pakupki źviarnicie ŭvahu na pasadku pa talii. Džynsy nie pavinny pieraciskać baki i zanadta ablahać. Tkanina, naciahnutaja ŭ vobłaści ściohnaŭ, vizualna dadaje lišnich kiło.
Padčas prymierki hladzicie na zadnija kišeni — kab padkreślić spartovy stan, jany pavinny znachodzicca na ŭzroŭni jahadzic. Kišeni, jakija «płyvuć» uniz, robiać ściohny płoskimi.
Tonkija trykatažnyja kofty
Asnoŭnaja prablema takich rečaŭ — adsutnaść formy. Tamu ich varta zamianić na toŭstyja kardyhany ci žakiety. Dobrym varyjantam stanie prosty švedar, nakinuty na plečy nakštałt šali.
Spadnica vyšej za kalena i nižej za taliju
Ništo tak nie psuje praporcyi, jak mini-spadnica z zanižanaj pasadkaj. U takoj tułava stanovicca doŭhim, a nohi — karotkimi. Da taho ž hety fason moža padkreślić nieidealnuju formu noh.
Adpraŭlajučysia na šopinh, lepš pryhledziecca da inšych varyjantaŭ — spadnic z pasadkaj pa talii ci ź nizkaj. Ale ŭ apošnim vypadku treba abirać maksi ci, naadvarot, ultra-mini varyjanty.
Niaŭdałyja tufli: na tankietcy abo na nabornym (słojenym) abcasie
Tufli na tankietcy i abcasie zališnie zadzirlivyja, jany padychodziać vyklučna dla vychadaŭ na viečarynki ŭ styli nulavych — u inšych vypadkach jany hladziacca vulharna. Tufli na nabornym (słojenym) abcasie, naadvarot, vyhladajuć zanadta ścipła i robiać vobraz nieaktualnym.
Zamianić takija možna na kłasičnyja tufli-łodački ci na navamodnyja baletki z kvadratnym naskom. Takija pary buduć vyhladać stylna i dadavać kamplektu trendavaści.
Praviarajcie, ci jość hetyja rečy ŭ vašaj šafie, i pišycie ŭ kamientarach, čym, na vaš pohlad, varta dapoŭnić hety śpis.
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»26
Kamientary