Vajna pryjšła na Rubloŭku. U epicentry ataki dronaŭ apynulisia majontki pucinskaj elity
Chto z pucinskaj elity moh pabačyć siońniašnija paloty dronaŭ, tłumačyć kanał «Možiem objaśniť».
U efiry fiederalnych telekanałaŭ praktyčna ničoha nie paviedamlajuć pra samuju maštabnuju z pačatku vajny ataku bieśpiłotnikaŭ na Maskvu i Padmaskoŭje, jak zaŭvažyŭ kanał «MO». «Rośsija-24» robić upor na tym, što budynki niaznačna paškodžanyja, a ŭsie bieśpiłotniki «padaŭlenyja». Telekanały nie pierapynili svaje efiry na śpiecyjalnyja vypuski navin, u efiry «Rośsija-24» niama śpiecyjalnaj płaški z nadpisam «Terminova» — jak zvyčajna adbyvajecca padčas nadzvyčajnych padziej.
Vierahodna, heta była psichałahičnaja ataka, pryčym u miescach, nasielenych pucinskaj elitaj. U Maskvie — heta prestyžnyja paŭdniova-zachodnija mikrarajony. U Padmaskoŭi — Rubloŭskaja šaša i jaje vakolicy, dzie žyvuć nabližanyja da Pucina aliharchi i čynoŭniki.
Adzin z dronaŭ upaŭ u pasiołku Iljinskaje — usiaho za 3 kiłamietry ad rezidencyi prezidenta Pucina ŭ Nova-Aharova.
U pasiołku Znamienskaje mieścicca majontak u pucinskaha siabra Hienadzia Cimčanki.
Pobač z adnaho boku — rezidencyja premjer-ministra Michaiła Mišuścina «Horki — 9» i były ziać prezidenta Rasii Kirył Šamałaŭ, z druhoha — baćka hubiernatara Maskoŭskaj vobłaści, sienatar Juryj Varabjoŭ i ministr abarony Siarhiej Šajhu.
Pobač ź vioskaj Žukaŭka ŭ KP «Iljinskaje pole» stajać adzin nasuprać adnaho asabniaki najbližejšych siabroŭ Pucina — bratoŭ Arkadzia i Barysa Ratenbierhaŭ. A pa susiedstvie dom paluboŭnicy Šajhu Aleny Šabunovaj.
U pasiołku Łandšaft — dom u Siarhieja Kiryjenki. U Barvisie — dom u Ihara Siečyna. Byłoj dačaj Mikajana vałodaje kiraŭnik Rashvardyi Viktar Zołataŭ.
U Archanhielskim dom u kiraŭnika Kanstytucyjnaha suda Valeryja Zorkina, jaki dniami prynios Pucinu mapu Jeŭropy z adsutnaj tam Ukrainaj (potym akazałasia, prysutnaj).
Adzin bieśpiłotnik nakiroŭvaŭsia ŭ pasiołak Ułasicha — tam znachodzicca štab i centralny kamandny punkt Rakietnych vojskaŭ stratehičnaha pryznačeńnia.
Siońnia nočču žychary Maskvy i Padmaskoŭja pačuli vybuchi. Jak paviedamlajuć rasijskija miedyja, u atacy ŭdzielničali kala 25 bieśpiłotnikaŭ. Pa infarmacyi inšych krynic, dronaŭ było bolš za 30. Dakładnych ličbaŭ pakul niama.
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»9
Kamientary
U mašynie ŭ Sachaščyka nie było dakumantaŭ APK. Chto prydumaŭ, što niechta vozić zaraz papiery sakretnyja ŭ torbach))
Chacia b pacikavilisia, što i jak było. Pierad tym, jak fiejki raspaŭsiudžvać.
I za kamientary vy ž nie adkazvajecie. Dyk adčynicie ich))
[Kamienty da Sachaščyka nie zakrytyja, usio pracuje -- red]