Jak Franak Viačorka sprabavaŭ pahutaryć z Andrejem Savinych u Vienie, ale ničoha nie vyjšła
Daradca Śviatłany Cichanoŭskaj raspavioŭ kanału BHM padrabiaznaści razmovy z deputatam Andrejem Savinych, jakoha jon sustreŭ pierad samym pačatkam siesii Parłamienckaj asamblei ABSIE.
Pavodle słoŭ Viačorki, jon prapanavaŭ kiraŭniku delehacyi ad Łukašenki Savinych razmovu ŭ lubym farmacie, aficyjnym abo nieaficyjnym, ale toj paśla niekalkich fraz adkazaŭ admovaj na lubyja varyjanty dyjałohu.
Savinych skazaŭ: «Razumiejecie, budučynia nie za vami». Franak udakładniŭ: «Dyk a za kim budučynia?» Na što Savinych adkazaŭ: «Nie za vami, vy sami ŭsio razumiejecie».
Franak zadumaŭsia, što mieŭ na ŭvazie Savinych, mahčyma, jon kazaŭ ab rasijskaj delehacyi, jakaja siadzieła pobač. Adnak, heta ŭžo daviedacca nie atrymałasia, bo dalejšy dyjałoh nie adbyŭsia.
Jak adznačyŭ Viačorka, padčas asamblei ABSIE składvałasia ŭstojlivaje adčuvańnie, što jak «aficyjnuju» biełaruskuju, tak i rasijskuju delehacyju surjozna nichto nie ŭsprymaŭ.
Čytajcie taksama:
Savinych sprabavaŭ sarvać vystup Cichanoŭskaj pierad PA ABSIE. Ale nie vyjšła, i jon pakinuŭ zału
U ABSIE rasijan i biełarusaŭ-łukašenkaŭcaŭ pasadzili na zadvorkach, pa-za ałfavitam
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»40
Kamientary