Fiederalny sudździa ŭ Sietle prypyniŭ dziejańnie ŭkaza prezidenta ZŠA, jakim abmiažoŭvajecca kanstytucyjnaje prava na hramadzianstva pa pravie naradžeńnia. Hety ŭkaz Donald Tramp padpisaŭ 20 studzienia, adrazu paśla svajoj inaŭhuracyi.
Donald Tramp u samy pieršy svoj dzień pry ŭładzie prapanavaŭ novuju traktoŭku kanstytucyjnaha pałažeńnia, jakoje vyznačaje, što ŭsie dzieci, narodžanyja na terytoryi ZŠA, niezaležna ad pachodžańnia, aŭtamatyčna stanoviacca hramadzianami ZŠA.
U administracyi novaha prezidenta paličyli, što hetaja norma nie pavinna adnosicca da dziaciej inšaziemcaŭ, jakija znachodziacca ŭ ZŠA niezakonna albo navat zakonna, ale na časovaj asnovie.
Jak adznačajuć krytyki Trampa, novaja palityka supiarečyć kanstytucyjnaj papraŭcy, pryniataj u 1868 hodzie. Na praciahu bolš za 100 hadoŭ hetaja papraŭka tłumačyłasia amierykanskimi sudami na karyść usich dziaciej, jakija naradzilisia ŭ ZŠA.
U vyniku pravaabarončyja arhanizacyi i ŭrady niekalkich haradoŭ i štataŭ, u jakich pieravažajuć demakraty, padali ŭ fiederalnyja sudy niekalki pazovaŭ. Pieršy ź ich razhledzieŭ sudździa Džon Kafienur u Sietle (štat Vašynhton).
Pasiadžeńnie praciahvałasia nie bolš za 25 chvilin. U vyniku sudździa časova, na 14 dzion prypyniŭ dziejańnie ŭkaza, jaki pavinien byŭ ustupić u siłu z 19 lutaha.
«Ja pracuju ŭžo bolš za 40 hadoŭ i nie mahu pryhadać nivodnaha nastolki ž vidavočnaha vypadku», — zajaviŭ sudździa padčas słuchańniaŭ.
Ale ŭ administracyi Trampa budzie mahčymaść asprečvać hetaje rašeńnie ŭ sudach bolš vysokaj instancyi.
Ukaz Trampa ab spynieńni mižnarodnaj padtrymki nie tyčycca dapamohi Ukrainie ŭ śfiery biaśpieki
Tramp choča źmienšyć suśvietnyja ceny na naftu, kab skončyć vajnu va Ukrainie
Tramp abviaściŭ pra stvareńnie miehaprajekta pa raźvićci štučnaha intelektu. U kampaniju ŭkładuć paŭtryljona dołaraŭ
Tramp pamiłavaŭ čałavieka, jaki adbyvaje pažyćciovaje
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk25
Kamientary