Na aŭkcyjonnaj placoŭcy GosTorg źjaviłasia abjava ab prodažy frahmienta znakamitaj Babrujskaj krepaści. Stać jaje ŭładalnikam možna ŭsiaho za 40 rubloŭ, piša Blizko.by.
Łot nazyvajecca «Skład z frahmientam cahlanaj ściany vał» i znachodzicca pa adrasie: h. Babrujsk, vuł. Krepaści Vał, 27.
Dvuchpaviarchovy korpus pabudavany ŭ 1820 hodzie. Pryznačeńnie ziamielnaha ŭčastka — dla raźmiaščeńnia abjektaŭ aptovaha handlu, materyjalna-techničnaha i charčovaha zabieśpiačeńnia, narychtovak i zbytu pradukcyi. Pry hetym abjekt nieruchomaści znachodzicca ŭ zonie rehulavańnia zabudovy historyka-kulturnaj kaštoŭnaści «Babrujskaja krepaść».
Tut možna raźmiaščać restarany, kafe, handlovyja abjekty, kłuby pa spartyŭnych intaresach, trenažornyja i spartyŭnyja zały.
Abaviazkovaja ŭmova prodažu: vykanańnie pakupnikom ramontna-restaŭracyjnych rabot na abjekcie nieruchomaści na praciahu nie bolš za try hady z daty zaklučeńnia dahavora kupli-prodažu.
Startavaja cana łota składaje ŭsiaho 40 rubloŭ. Pry hetym abaviazkovaja pieršaja staŭka pavinna być z krokam 5% ad pačatkovaj cany łota. Heta značyć, pakupnik zmoža vykupić krepaść minimum za 42 rubli.
Akramia taho, jon pavinien budzie kampiensavać u biudžet h. Babrujska vydatki na akazańnie pasłuh pa vyznačeńni rynkavaha koštu kapitalnaj pabudovy ŭ pamiery 828 rubloŭ 32 kapiejki. Narešcie, daviadziecca kampiensavać i vydatki na arhanizacyju i praviadzieńnie tarhoŭ — pryblizna jašče 90 rubloŭ. Takim čynam, usiaho pakupnik pavinien budzie vykłaści minimum 960 rubloŭ, ci 289 dalaraŭ pa aktualnym kursie.
Aŭkcyjon adbudziecca 19 listapada ŭ 11:45.
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk20
Kamientary