Nazvali imiony apošnich palitviaźniaŭ, vyzvalenych 16 vieraśnia

Byli nazvanyja 12 proźviščaŭ, adno ź jakich — homielskaha žurnalista Andreja Tołčyna, — było ŭžo viadomaje ź inšych krynic raniej. Inšyja 11:

Pavialičyć

Dźmitryj Łahucienka. Jamu 30 hadoŭ, zatrymany 4 studzienia 2023 hoda. Asudžany 19 červienia 2023 hoda pa č. 1 art. 130 KK (raspalvańnie inšaj sacyjalnaj varožaści) i č. 1 art. 368 KK (abraza Łukašenki), vyniesieny prysud byŭ nieviadomy.

Andrej Ihnatovič. Jamu 35 hadoŭ, žychar Salihorska. Asudžany 24 kastryčnika 2023 hoda Homielskim abłasnym sudom da 2 hadoŭ kałonii ahulnaha režymu pa art. 342 (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich i art. 130 (raspalvańnie varožaści ci varažniečy).

Dźmitryj Utoŭka. Jamu 45 hadoŭ, zatrymany 20 krasavika 2023 hoda, asudžany pa troch artykułach za abrazy Łukašenki, pradstaŭnika ŭłady i sudździ. Jaki prysud byŭ vyniesieny, zastavałasia nieviadomym. Palitviazień mieŭ invalidnaść pa słychu. 

Vital Cydzik. Jamu 39 hadoŭ, zatrymany 15 žniŭnia 2023 hoda. Asudžany pa art. 342 (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich), art. 368 (abraza Łukašenki), art. 130 (raspalvańnie varožaści ci varažniečy). Dakładny prysud nieviadomy.

Pavialičyć

Kanstancin Sałamijuk. Jamu 41 hod, zatrymany 30 kastryčnika 2020 hoda. Asudžany na 2 hady za abrazu Łukašenki.

Pavialičyć

Vital Jurenia. Jamu 28 hadoŭ, vypusknik Liceja BDU. Zatrymany 12 maja 2023 hoda za danaty, asudžany na 3 hady kałonii ahulnaha režymu.

Pavialičyć

Siarhiej Mardziłovič. Jamu 47 hadoŭ, zatrymany 11 kastryčnika 2022 hoda. Asudžany pa troch artykułach za abrazy Łukašenki, pradstaŭnika ŭłady i sudździ. Jaki prysud byŭ vyniesieny, zastavałasia nieviadomym.

Pavialičyć

Siarhiej Fisiuk. Jamu 61 hod, zatrymany 30 vieraśnia 2021 hoda. Asudžany na 3 hady pazbaŭleńnia voli pa «spravie Zielcera». 

Alaksandr Baranoŭski. Jamu 39 hadoŭ, zatrymany 2 vieraśnia 2023 hoda za danaty. Prysud — pazbaŭleńnie voli na termin 5 hadoŭ z adbyvańniem u papraŭčaj kałonii va ŭmovach uzmocnienaha režymu.

Pavialičyć

Iryna Haračkina. Joj 48 hadoŭ, zatrymanaja 1 śniežnia 2020 hoda. Była asudžanaja na 6 hadoŭ pazbaŭleńnia voli ŭ kałonii va ŭmovach ahulnaha režymu pa art. 295 Kryminalnaha kodeksa (niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ). Sudzili jaje pa «spravie Mikałaja Aŭtuchoviča», prysud vynieśli 17 kastryčnika 2022 hoda.

Pavialičyć

Julija Łabunova. Joj 37 hadoŭ, zatrymanaja 20 vieraśnia 2021 hoda. Sudziłasia pa kryminalnaj spravie za pierformans na haradskich mohiłkach, kali kampanija maładych ludziej ustalavała na mahiłu partret Łukašenki i adkarkavała šampanskaje. Prysud — 3,5 hoda pazbaŭleńnia voli ŭ kałonii ahulnaha režymu.

Asablivaściu hetaj, čaćviortaj, chvali pamiłavańniaŭ stała toje, što ŭłady hetym razam, choć i z raściahvańniem na try dni, sami paviedamili imiony i proźviščy ŭsich vyzvalenych. U toj ža čas minułyja try razy jany nazyvali tolki pa niekalki imionaŭ, a inšych pravaabaroncy navat kali i viedajuć, to trymajuć u tajamnicy. Niekatoryja ž imiony dahetul nieviadomyja navat im, choć chvali pamiłavańniaŭ iduć užo bolš za dva miesiacy, pačynajučy ad 2 lipienia.

• 5
• 0
• 1
• 0
• 1
• 0
• 1
• 0