Maci traich dziaciej Durava padavała na jaho ŭ sud z-za alimientaŭ i hvałtu
Iryna Bołhar, jakaja nazyvaje siabie maci traich dziaciej Paŭła Durava, padavała na jaho ŭ sud u Šviejcaryi, kali jon pierastaŭ płacić joj 150 tysiač jeŭra ŭ miesiac u vyhladzie alimientaŭ.
Pazoŭnaja zajava z kryminalnym abvinavačvańniami suprać Durava była padadzienaja ŭ sud u Ženievie ŭ sakaviku 2023 hoda. Publikacyju ŭ amierykanskim Forbes pierakazvaje «Mieduza».
U pazovie havorycca, što Duraŭ užyvaŭ hvałt da ich z Bołhar małodšaha syna, jaki naradziŭsia ŭ 2017 hodzie. Pieraličanyja piać incydentaŭ, jakija nibyta adbylisia ŭ 2021-2022 hadach i pryviali da strasieńnia mozhu i parušeńniaŭ snu ŭ dziciaci.
Nieŭzabavie paśla hetaha pazovu Bołhar padała jašče adzin pazoŭ ab apiecy nad dziećmi — Duraŭ jaho nie asprečvaŭ.
Abodva pazovy byli padadzienyja praź niekalki miesiacaŭ paśla taho, jak Bołhar zajaviła, što Duraŭ pierastaŭ vypłačvać joj 150 tysiač jeŭra ŭ miesiac u jakaści alimientaŭ.
Z-za šviejcarskich zakonaŭ u materyjałach spravy z abvinavačvańniami ŭ hvałcie nie zhadvajucca imiony Durava, Bołhar i ich dziaciej. Ale asoby istca i adkazčyka paćviardžajuć inšyja padrabiaznaści, zhadanyja ŭ iskavaj zajavie.
Advakat Durava admoviŭsia ad kamientaroŭ. Advakat Bołhar zajaviŭ, što ŭ červieni 2024 hoda jana taksama padała da Durava hramadzianski pazoŭ ab alimientach.
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary