Biahun — Bondaravaj: Zabyłasia, jak vycokvała nabojkami z HUBAZiKa z vyhladam aba*ranaha janota?
U asiarodździ prarežymnych aktyvistaŭ iznoŭ unutrany kanflikt. Volzie Bondaravaj nie spadabaŭsia Ihar Marzaluk u razmovie z Ryhoram Azaronkam, a Illu Biehunu nie spadabaŭsia najezd Bondaravaj na Marzaluka. I jon publična adkazaŭ hrodzienskaj danosčycy ŭ svaim telehram-kanale ŭ toj tanalnaści i z toj leksikaj, jakaja zvyčajna pryniataja ŭ tych asiarodkach.
Havoračy z Azaronkam, Marzaluk nie tolki pracytavaŭ zakatavanaha režymam palitviaźnia Vitolda Ašurka, ale ŭ inšym miescy ŭžyŭ zusim niepalitkarektny ŭ ciapierašniaj śpiecyfičnaj biełaruskaj situacyi zvarot «Panovie». Dla Bondaravaj ža i kudy mienšyja ideałahičnyja adchileńni — padstava dla ataki.
Illa Biahun takoha nie ściarpieŭ i palitkarektnym zusim nie byŭ, pryhadaŭšy Bondaravaj navat niekatoryja ćmianyja i, vidać, nie vielmi hanarovyja fakty ź jaje bijahrafii:
«Baboša, ty zabyłasia, jak vycokvała nabojkami z HUBAZiK MUS z vyhladam aba*ranaha janota z dryhotkimi łapami i blednym tvaram? Nie zabyłasia, jakuju papierku padpisvała? Inšyja vyklikanyja ŭ toj dzień kažuć, što takuju ž, jak i zmahary — abaviazvajusia nie parušać…»
Paśla taho jon zhadaŭ pra niejki niervovy zvanok kamuści Bondaravaj na vulicy i papiaredziŭ, što danyja pra jaho zachoŭvajucca doŭha. I padkreśliŭ, što «ty — adkaznaja pa naścienhaziecie, a Ihar Alaksandravič — pavažany palityk, pryčym kiraŭnikom ža dziaržavy».
I, maŭlaŭ, tabie prosta dazvalajuć dzieści znachodzicca», i ŭžo navat u kamunistyčnaj partyi nie viedajuć, kudy Bondaravu prybrać, u toj čas jak Marzaluka nibyta na niešta «ŭpaŭnavažvajuć hramadzianie krainy».
Illa Biahun — heta ŭ minułym prahramist, jaki ŭ 2020-m staŭ aktyvistam štaba Valeryja Capkały, a paśla niejki čas byŭ palitemihrantam, staraŭsia zblizicca z asiarodkam Śviatłany Cichanoŭskaj. Ën rana, jašče ŭ pačatku 2021 hoda, viarnuŭsia ŭ Biełaruś i staŭ miłym hościem prapahandysckich ŚMI. Lidary apazicyi ličyli jaho zasłancam łukašenkaŭskich śpiecsłužbaŭ. Raniej jon užo vystupaŭ publična ŭ svaim kanale z krytykaj Ryhora Azaronka.
Niezadavolenyja Bondaravaj i Azaronkam taksama niekatoryja inšyja prarežymnyja dziejačy. Tak, kiraŭnica hrodzienskaha abłasnoha adździaleńnia «Biełaj Rusi» Śviatłana Varanica niekalki razoŭ taksama stroha krytykavała Volhu Bondaravu, a taksama zajaviła: «Nie chaču, kab maja kraina stanaviłasia azaronkaŭščynaj».
Kiraŭnica hrodzienskaj «Biełaj Rusi» patroliła Bondaravu
«Chtości za joj staić». Čamu čynoŭniki słuchajucca Bondaravu
«Nie chaču, kab maja kraina stanaviłasia azaronkaŭščynaj». Ideołah z «Biełaj Rusi» vystupiła ź niečakanym pryznańniem
Chto taki Illa Biahun, jaki na dziaržaŭnym TB vylivaje brud na fondy salidarnaści i štab Cichanoŭskaj?
Chto takija vambaty? Jak łukašystaŭ padzialiła na dva łahiery adno pytańnie
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary
Na čto prietiendujet etot, skotnyj dvor, postrojennyj imi na miestie biełaruskoj Biełarusi.
NN, situacija nie biełaruskaja śpiecifičieskaja, situacija śpiecifičieskaja na skotnom dvorie, vystrojennom na zadniem dvorie Rośsii, tak - točnieje....