Andrej Dźmitryjeŭ pryznaŭ vinu va ŭdziele ŭ niesankcyjanavanych masavych mierapryjemstvach, paviedamlaje BiełTA. Sud nad palitykam pačaŭsia siońnia ŭ Minsku.
Pavodle abvinavačańnia, Dźmitryjeŭ udzielničaŭ u troch niesankcyjanavanych masavych mierapryjemstvach (23 žniŭnia, 30 žniŭnia, 6 vieraśnia), znachodziŭsia na prajeznaj častcy darohi, błakavaŭ i zastupaŭ šlach transpartnym srodkam, admaŭlaŭsia vykonvać patrabavańni supracoŭnikaŭ milicyi spynić hetyja dziejańni.
Dźmitryjeŭ zajaviŭ na sudzie, što na prajeznaj častcy było šmat ludziej, a hramadskaha transpartu nie było vidać. Jon skazaŭ, što «staraŭsia ruchacca pa piešachodnych zonach, ale kali było šmat ludziej, davodziłasia vychodzić na prajeznuju častku».
Dźmitryjeŭ abvinavačvajecca pavodle č. 1 art. 342 KK («Arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich»).
Kamientary