Čaćviertaja kniha ź sieryi pra Hary Potera pabačyła śviet
8.02.2025 / 8:42
Vyjšła čaćviortaja kniha ź sieryi tvoraŭ Džoan Roŭlinh pra chłopčyka-čaraŭnika «Hary Poter i Kielich ahniu», paviedamlaje sajt vydaviectva «Januškievič» knihauka. Kniha vyjšła ŭ vydaviectvie «Januškievič». Start prodažaŭ ad siońnia.
Fota z fejsbuka Andreja Januškieviča
«Hary Poter choča źbiehčy ad pahanych Durślaŭ i adpravicca na Čempijanat śvietu pa kvidyčy z Hiermijonaj, Ronam i siamjoj Uiźli. Jon choča maryć pra Čoŭ Čanh, u jakuju zakachany (i, mahčyma, bolš, čym prosta maryć). Jon choča daviedacca, što heta za tajamničaja padzieja, u jakoj udzielničajuć i kankurujuć dźvie inšyja škoły mahii, i pra spabornictva, jakoha nie było sotni hadoŭ. Jon choča być zvyčajnym čatyrnaccacihadovym čaraŭnikom. Na žal dla Hary Potera, jon nie zvyčajny, jon inšy — navat pavodle čaraŭnickich standartaŭ. I ŭ hetym vypadku niezvyčajnaść moža być śmiarotna niebiaśpiečnaj», — havorycca ŭ karotkaj anatacyi.
Pierakład z anhlijskaj movy Aleny Piatrovič. Dyzajn — Brajan Sełźnik (ZŠA).
Kaštuje kniha 89,90 złotych (21,5 jeŭra) biez uliku dasyłki. U Biełaruś kniha nie dasyłajecca.