ЗША могуць прадставіць план «спынення вайны» ва Украіне на Мюнхенскай канферэнцыі
5.02.2025 / 20:27
Саюзнікі ЗША чакаюць, што адміністрацыя Дональда Трампа прадставіць доўгачаканы план «спынення вайны» Расіі супраць Украіны на Мюнхенскай канферэнцыі па бяспецы на наступным тыдні. Пра гэта паведамілі крыніцы агенцтва Bloomberg.
Кіт Келаг. Фота: AP Photo/Andrew Harnik
Па словах суразмоўцаў Bloomberg, план нібыта павінен давесці спецыяльны прадстаўнік Трампа па пытаннях Украіны Кіт Келаг, які будзе ўдзельнічаць у Мюнхенскай канферэнцыі. Яны, аднак, адмовіліся паведаміць, наколькі падрабязнымі, на іх думку, будуць дыскусіі пра план і ў якім фармаце яны адбудуцца.
Сярод чаканых элементаў плана — патэнцыйнае замарожванне канфлікту і нявызначаны статус тэрыторыі, акупаванай Расіяй, з адначасовым наданнем Украіне неканкрэтызаваных гарантый бяспекі.
Раней Кіт Келаг пацвердзіў, што плануе ўзяць удзел у Мюнхенскай канферэнцыі ў бяспецы і сустрэцца «з саюзнікамі Амерыкі, якія гатовыя працаваць з намі».