Siryjski port Tartus razarvaŭ 49-hadovy inviestkantrakt z Rasijaj
21.01.2025 / 18:18
Port Tartus u Siryi razarvaŭ pahadnieńnie z rasijskaj kampanijaj ab inviestycyjach. Pra heta piša rasijskaje vydańnie «Važnyje istorii» sa spasyłkaj na siryjskuju hazietu Al-Watan.
Port u Tartusie
Pa słovach dyrektara Tartuskaj mytni Ryjada Džudzi, usie dachody ad dziejnaści porta ciapier nakiroŭvajucca na karyść ciryjskaj dziaržavy. Rabočyja, zaniatyja ŭ porcie, viernucca pad kiravańnie siryjskaha boku.
Taksama ŭ porcie adnoviać sastarełyja miechanizmy, jakija vykarystoŭvała rasijskaja kampanija biez madernizacyi, jak heta praduhledžvałasia damovaj.
Inviestycyjny kantrakt siryjski port i rasijskaja kampanija «Budtranshaz» zaklučyli ŭ 2019 hodzie terminam na 49 hadoŭ. Maskva abiacała inviestavać u port nie mienš jak 500 młn dalaraŭ da 2023 hoda.