Małodšym školnikam prapanujuć «złavić monstra, jaki sprabuje sarvać vybary»
16.01.2025 / 19:2
Vydańnie «Padarožža ŭ krainu vybaraŭ» vypuściŭ Biełaruski prafsajuz rabotnikaŭ adukacyi i navuki pry padtrymcy CVK. 16 studzienia adbyłasia jahonaja prezientacyja ŭ minskaj himnazii № 33, piša «Pozirk» na padstavie paviedamleńniaŭ dziaržaŭnych ŚMI.
Fota: sb.by
Na prezientacyi adznačałasia, što
«hałoŭnyja hieroi — Daša i Paša — prapanujuć dzieciam vykanać zadańni: naprykład, pravieści vybary ŭ svajoj siamji, dzie kožny prahałasuje za načyńnie ŭ draniki, paličyć biuleteni, złavić monstra, jaki sprabuje sarvać vybary prezidenta».
«Vybary prezidenta — składany hramadska-palityčny praces, i my zadumalisia: jak u dastupnaj formie raskazać dzieciam pra jaho, kab jany ź dziacinstva razumieli, jak pabudavanaja našaja dziaržava», — zajaviła staršynia Moładzievaj rady prafsajuza Darja Paŭłoŭskaja.
Brašura vydadzienaja nakładam 5 tysiač asobnikaŭ.