Prezident Polščy maje ŭ najbližejšyja dni vylecieć na sustreču z Trampam
10.11.2024 / 15:7
Zajaŭka na braniravańnie samalota ŭžo padadziena. Čakajecca paćviardžeńnia času sustrečy.
Donald Tramp i Andžej Duda padčas sustrečy ŭ Ńju-Jorku 18 krasavika 2024 hoda. Fota: MMastalerek / X
Pra toje, što prezident Polščy Andžej Duda ŭzhadniaje detali sustrečy z Donaldam Trampam, raskazaŭ žurnalistam premjer-ministr Polščy Donald Tusk.
Pa infarmacyi Onet.pl, sustreča Dudy z Trampam moža adbycca navat u bližejšyja hadziny, da 11 listapada, kali Polšča śviatkuje Dzień niezaležnaści.
Žurnalisty daviedalisia, što kancylaryja prezidenta Polščy padała zajaŭku na braniravańnie samalota dla palotu ŭ ZŠA. Čakajecca paćviardžeńnie daty sustrečy.
Kali nie ŭdasca damovicca ab sustrečy da śviata, to vizit adbudziecca ŭ bližejšyja dni paśla ich.
Polski premjer dadaŭ, što Andžej Duda «šmat ukłaŭ u svaje asabistyja adnosiny» z Trampam, tamu Polšča moža vykarystoŭvać heta dla «amierykanska-polskich pieramovaŭ, asabliva ŭ kantekście Ukrainy».
Nahadajem, što ŭ krasaviku hetaha hoda polski prezident sustrakaŭsia z Donaldam Trampam u čas svajho vizitu ŭ ZŠA.