Dva biełaruskija banki admianili abmiežavańni pa apieracyjach za miažoj
20.07.2024 / 17:1
Z 18 lipienia BNB-Bank admianiŭ abmiežavańni pa apieracyjach za miažoj. Jany byli ŭviedzienyja z 5 lipienia i tyčylisia jak źniaćcia hrošaj, tak i bieznajaŭnych płaciažoŭ.
«Dla trymalnikaŭ kartak Visa i Mastercard admianiajucca ŭviedzienyja 5 lipienia časovyja limity na ździajśnieńnie najaŭnych i bieznajaŭnych apieracyj za miežami Biełarusi», — paviedamiła finustanova.
Pry hetym bank pakinuŭ abmiežavańni pa niekatorych bieznajaŭnych płaciažach — pa kryptakašalkach i azartnych hulniach na hrošy (kod apieracyi 7995).
Raniej abmiežavańni ŭ apieracyjach za miažoj taksama ŭvodziŭ Biełhazprambank, ale i jon z 18 lipienia taksama ich pasłabiŭ.