Na Miency raskapali ŭžo try rady hakavych draŭlanych kanstrukcyj FOTA
19.07.2024 / 22:23
Instytut historyi NANB paviedamiŭ u svaim telehram-kanale, što jaho archieołahi pry raskopkach vała staražytnaha horada na Miency pa stanie na kaniec piatnicy 19 lipienia ŭžo vyjavili 3 rady z hakavych kanstrukcyj, uładkavanyja z boku raki.
Fota: t.me/iinanb
Hakavyja kanstrukcyi vyšynioj pa 3 biarviony zmacoŭvalisia krukami-hakami.
Fota: t.me/iinanb
«Heta ŭnikalnaje spałučeńnie dźviuch roznych tradycyj uźviadzieńnia abarončych zbudavańniaŭ. Heta značyć, što žychary horada na Miency byli ŭ kursie samych sučasnych na toj momant technałohij abarončaha dojlidstva. Mabyć, u rabotach brali ŭdzieł jak miascovyja majstry, tak i pryjezdžyja, jakija i dapamahali budavać jašče adnu liniju abarony», — havaryŭ raniej pra hety kompleks zahadčyk adździeła archieałohii Siarednich viakoŭ i Novaha času Instytuta historyi NAN Andrej Vajciachovič.