«Heta pravakacyja śpiecsłužbaŭ Pucina» — HUR Ukrainy pra stralaninu ŭ Padmaskoŭi
22.03.2024 / 22:4
U Hałoŭnym upraŭleńni raźviedki Minabarony Ukrainy zajavili, što ciapierašni terakt u Padmaskoŭi źjaŭlajecca śviadomaj pravakacyjaj režymu Pucina, pra jaki papiaredžvała mižnarodnaja supolnaść. Pra heta skazaŭ pradstaŭnik HUR Andrej Jusaŭ u kamientary «Ukrainskaj praŭdzie».
Andrej Jusaŭ
«Heta śviadomaja pravakacyja śpiecsłužbaŭ Pucina, pra jakuju papiaredžvała mižnarodnaja supolnaść. Kramloŭski tyran z hetaha pačynaŭ svaju karjeru i takimi ž złačynstvami suprać ułasnych hramadzian choča jaje zaviaršyć», — adznačyŭ pradstaŭnik HUR.
Pierad hetym u horadzie Krasnahorsk Maskoŭskaj vobłaści ŭ kancertnaj zale «Krokus Sici Choł» pierad kancertam hurta «Piknik» uzbrojenyja ludzi ŭ kamuflažy adkryli stralbu, paśla prahučali dva vybuchi i handlovy centr zahareŭsia.
Ułady Rasii paviedamlajuć pra šmatlikich zahinułych i paranienych, dakładnaja kolkaść pakul nieviadomaja. Kvitki na kancert byli raskuplenyja, u zale mahli znachodzicca bolš za 6 tysiačy čałaviek.
Varta adznačyć, što jašče 8 sakavika pasolstva ZŠA ŭ Rasii i MZS Brytanii papiaredzili ab mahčymych teraktach u Maskvie.
Čytajcie taksama:
Terakt na kancercie ŭ Maskvie — zahinuli minimum 40 čałaviek
Amierykanskaja i brytanskaja ambasady ŭ Maskvie papiaredzili hramadzian pra mahčymyja terakty