Premjer Słavakii zajaviŭ, što vajna va Ukrainie pačałasia «z razhułu ŭkrainskich nieanacystaŭ»
24.02.2024 / 23:25
Premjer-ministr Słavakii Robiert Fica zajaviŭ u videa na fejsbuku, što vajna Rasii suprać Ukrainy ŭ 2014 hodzie pačałasia z «razhułu ŭkrainskich nieanacystaŭ».
Skrynšot ź videa
Słavacki premjer akreśliŭ mahčymaje siabroŭstva Ukrainy ŭ NATA jak dobruju asnovu «da pačatku treciaj suśvietnaj vajny».
Praŭda, u toj ža čas jon nie admaŭlaje, što vajennaje ŭvarvańnie Rasii va Ukrainu źjaŭlajecca parušeńniem mižnarodnaha prava.
Urad pad kiraŭnictvam levaha papulista Robierta Fica byŭ sfarmavany ŭ Słavakii vosieńniu minułaha hoda, kali kaalicyja na čale ź jahonaj partyjaj atrymała bolšaść hałasoŭ na parłamienckich vybarach u Słavakii. Z taho času Fica i inšyja słavackija palityki zrabili ŭžo niamała zajaŭ, u jakich vystupili za naładžvańnie adnosin z pucinskaj Rasijaj i łukašenkaŭskaj Biełaruśsiu i abmiežavańnie dapamohi Ukrainie. Choć sam Fica ŭ hetym nie zaŭsiody paśladoŭny.
Tak, u kancy studzienia, sustrakajučysia ŭ Užharadzie sa svaim ukrainskim kaleham Dzianisam Šmyhalem, Fica zapeŭniŭ: słavacki ŭrad nie budzie pieraškadžać słavackim kampanijam ažyćciaŭlać pastaŭki zbroi va Ukrainu ŭ ramkach zaklučanych kantraktaŭ i dapamahać umacoŭvać jaje abaronu.
Taksama Fica tady paabiacaŭ padtrymać zajaŭku Ukrainy na siabroŭstva ŭ ES i nadańnie makrafinansavaj dapamohi Kijevu z boku Brusela.
Čytajcie taksama:
U Słavakii prapanavali adnavić siabroŭstva ź Biełaruśsiu
Łukašenkaŭskaja Biełaruś naźbirała kamplimientaŭ ad słavackich prarasijskich palitykaŭ
Pryjazny da Rasii premjer Słavakii niečakana staŭ na bok Ukrainy
Słavakija adnaviła supracoŭnictva ź Biełaruśsiu ŭ śfiery kultury
Novy ŭrad Słavakii admoviŭsia dapamahać Ukrainie
Premjer Słavakii nazvaŭ Ukrainu «najbolš karumpavanaj u śviecie»