Śviet

Maci Navalnaha pastavili ŭltymatum: ci patajemnaje pachavańnie, ci pachavańnie ŭ kałonii

Śledčy pastaviŭ ultymatum maci Alaksieja Navalnaha, zapatrabavaŭšy ad jaje ciaham troch hadzin pahadzicca na tajemnaje pachavańnie palityka biez publičnaha raźvitańnia. Pra heta paviedamili paplečniki Navalnaha Kira Jarmyš i Ivan Ždanaŭ, piša «Mieduza».

Ludmiła Navalnaja

Kali maci Navalnaha nie pahodzicca na hetuju ŭmovu, to palityka «pachavajuć u kałonii», zajaviŭ śledčy.

«Jana admoviłasia vieści pieramovy z SK, tamu što ŭ ich niama paŭnamoctvaŭ vyrašać, jak i dzie joj chavać syna. Jana patrabuje vykanać zakon, jaki abaviazvaje śledčych addać cieła na praciahu dvuch sutak z momantu ŭstanaŭleńnia pryčyn śmierci.

Zhodna ź miedycynskimi dakumientami, jakija jana padpisvała, hetyja dvoje sutak minajuć zaŭtra. Jana nastojvaje na tym, kab ułady dali pravieści pachavańnie i panichidu ŭ adpaviednaści sa zvyčajami», — paviedamiła Jarmyš.

Čytajcie taksama:

Śviatłana Aleksijevič zaklikała Kreml addać cieła Alaksieja Navalnaha siamji

U sacsietkach raspaŭsiudžvajecca fejkavy zapis hołasu maci Navalnaha, na jakim jana praklinaje svaju niaviestku

Maci Navalnaha pakazali cieła syna, ale vydavać admaŭlajucca

Džo Bajden sustreŭsia z žonkaj i dačkoj Navalnaha

Kamientary da artykuła