«Danina pavahi našym bratam rasijanam». U Minsku adkryli pomnik Alaksandru Nieŭskamu
14.11.2023 / 14:31
Znachodzicca pomnik, jaki ŭjaŭlaje saboj vialikuju konnuju skulpturu vyšynioj 11 mietraŭ, kala pasolstva Rasii.
U Minsku adkryli pomnik Alaksandru Nieŭskamu. Fota: BiełTA
«My adkryvajem jašče adno miesca pryciahnieńnia dla haradžan i haściej stalicy. Heta danina pavahi našym sajuźnikam, bratam rasijanam», — skazaŭ na cyrymonii namieśnik staršyni Minskaha harvykankama Arciom Curan.
Pomnik ujaŭlaje saboj vialikuju konnuju skulpturu vyšynioj 11 m i źjaŭlajecca «simvałam adzinstva narodaŭ Rasii i Biełarusi, ahulnaj histaryčnaj pamiaci i šmatviakovych tradycyj», paviedamili ŭ rasijskaj pasolstvie. Mienavita jano zajmałasia realizacyjaj prajekta pry padtrymcy Minharvykankama i Biełaruskaha ekzarchata RPC.
«Ułady respubliki i kiraŭnictva Minska achvotna adhuknulisia na inicyjatyvu pradstaŭnikoŭ biełaruskaha duchavienstva ab ustalavańni pomnika. Ideju asabista padtrymaŭ Alaksandr Łukašenka. Srodki na zbudavańnie manumienta dali sponsary ź liku pradstaŭnikoŭ biznesu», — rastłumačyli ŭ pasolstvie.
Viadoma, što žonkaj kniazia była Alaksandra Bračysłaŭna, dačka połackaha kniazia. Ich šlub u pasolstvie Rasii nazvali «pieršaj sajuznaj damovaj pamiž budučymi Biełaruśsiu i Rasijaj».
Čytajcie taksama:
U Minsku staviać pomnik Alaksandru Nieŭskamu FOTA
Aktyvisty daviedalisia, chto i kali źnios pamiatny znak u honar paŭstańnia 1863 hoda ŭ Hrodnie
Nazvanyja najlepšyja architekturnyja pracy Biełarusi apošnich hadoŭ ŠMAT FOTA