Грамадства

Прэм'ерка Літвы паабяцала не закрываць двух новых пераходаў на мяжы з Беларуссю

Пастановы ўрада закрыць новыя памежныя пункты з Беларуссю найбліжэйшым часам не будзе, але планы зрабіць гэта без зніжэння пагроз захоўваюцца, сказала Інгрыда Шыманіце ў інтэрв'ю LRT.

«Найбліжэйшым часам сапраўды не будзе рашэнняў аб закрыцці нейкіх дадатковых пастоў, але ёсць вельмі лагічны план, які ўстанаўлівае, што колькасць пастоў, праз якія можна перасекчы літоўска-беларускую мяжу, можа быць скарочана, з чаго пачынаць і дзе заканчваць, да крайняга закрыцця, якое ўжо будзе адбывацца на ўзгадненне з іншымі краінамі», — сказала прэм'ерка.

Літва на пазамінулым тыдні закрыла два з шасці пунктаў пропуску з Беларуссю — Шумск і Цверач, а міністарка ўнутраных спраў Агне Білатайтэ ў панядзелак паведаміла, што міністэрства прапануе закрыць яшчэ два: Лаварышкі і Райгард.

Чытайце таксама:

Мы настойваем на тым, каб пасажырскі рух паміж нашымі краінамі не спыняўся так доўга, наколькі гэта магчыма — Франак Вячорка

Літва назвала яшчэ пераходы, якія могуць закрыць, і два крытэры, па якіх цалкам закрыюць мяжу ЕС з Беларуссю

МУС Літвы ацэньвае магчымасці закрыцця новых памежных пераходаў на мяжы з Беларуссю

Каментары да артыкула