Наталля Качанава прапанавала правесці інвентарызацыю прамысловасці Беларусі і Расіі
28.06.2023 / 6:56
Расіі і Беларусі неабходна высветліць, што ўжо паспяхова вырабляюць у дзвюх краінах, а якой прадукцыі не хапае, заявіла старшыня верхняй палаты беларускага парламента Наталля Качанава на форуме дзвюх дзяржаў ва Уфе ў аўторак.
Наталля Качанава і Валянціна Мацвіенка. Фота: тэлеграм-канал Савета Рэспублікі
Такую прапанову спікер Савета Рэспублікі зрабіла падчас агляду выставы дасягненняў народнай гаспадаркі дзвюх краін разам са старшынёй Савета Федэрацыі Валянцінай Мацвіенкай, як піша «Спутнік».
На выставе былі прадстаўлены сельскагаспадарчая і камунальная тэхніка, транспарт рознага прызначэння, прадукты харчавання і тавары нехарчовай групы.
«Наталля Качанава прапанавала правесці інвентарызацыю прамысловасці абедзвюх дзяржаў, ацаніць, што ўжо паспяхова вырабляюць, а якой прадукцыі яшчэ не хапае ў Расіі і Беларусі. Валянціна Мацвіенка падтрымала гэтую прапанову», — гаворыцца ў паведамленні.
Чытайце таксама:
Качанава назвала гэты горад адукацыйным, навуковым і культурным цэнтрам краіны
Наталля Качанава заявіла, што часам ёй хочацца ўстаць і крычаць
«Наталля Іванаўна, вы можаце проста адчыніць нам вароты ноччу». Пракоп'еў звярнуўся да Качанавай