Выдавец Андрэй Янушкевіч выйшаў на волю пасля 28 сутак арышту
15.06.2022 / 22:8
Пра вызваленне Андрэя Янушкевіча напісала Беларуская рада культуры з прыпіскай, што «цяпер ён у бяспецы». Іншых падрабязнасцяў пакуль што няма.
Андрэй Янушкевіч быў затрыманы 16 мая ў першы дзень працы заснаванай ягоным выдавецтвам «Янушкевіч» кнігарні «Кнігаўка». Перад гэтым у кнігарню наведаліся дзяржаўныя прапагандысты Рыгор Азаронак і Людміла Гладкая.
Спачатку Янушкевіч атрымаў 10 сутак арышту, пасля іх адбыцця яму дадалі яшчэ 10. Але не выпусцілі і пасля гэтага, дадалі новы тэрмін — 8 сутак. Выпусцілі толькі цяпер.
Разам з Андрэем Янушкевічам была затрыманая супрацоўніца кнігарні «Кнігаўка», літаратурны крытык Наста Карнацкая. Яна таксама адбыла 23 сутак зняволення і ўжо выйшла на волю.