U Pieru znajšli niezvyčajnuju mumiju. Jana zakryvaje rukami tvar FOTA
2.12.2021 / 15:31
Na dumku archieołahaŭ, jaje pachavali jašče da ŭźniknieńnia na terytoryi ciapierašniaha Pieru impieryi inkaŭ. Joj moža być ad 800 da 1200 hadoŭ, piša Bi-bi-si.
Akramia niecharakternaha stanovišča ruk archieołahaŭ ździviła toje, što ŭsio cieła mumii było pieraviazanaje viaroŭkami. Miarkujecca, što takaja była miascovaja tradycyja pachavańnia.
Znachodka była zroblenaja na raskopkach u miascovaści Kachamarkilja niepadalok ad Limy, stalicy Pieru.
U miescy pachavańnia taksama byŭ znojdzieny posud z roznymi travami, jak miarkujecca, jon słužyŭ padarunkami.