Pamior Siarhiej Bahłasaŭ, jaki adnaviŭ Trajeckaje pradmieście i viarnuŭ Ratušu
12.08.2021 / 11:39
Na 72-m hodzie žyćcia pamior architektar-restaŭratar Siarhiej Bahłasaŭ. Infarmacyju pra heta «Našaj Nivie» paćvierdzili ŭ Biełaruskim sajuzie architektaraŭ.
Siarhiej Bahłasaŭ naradziŭsia ŭ Mahilovie, skončyŭ politechničny instytut pa śpiecyjalnaści «architektura».
Jaho asnoŭnaja praca — restaŭracyja, rekanstrukcyja, prystasavańnie i dobraŭparadkavańnie staličnaha Trajeckaha pradmieścia Minska (1980—1983). Bahłasaŭ źjaŭlaŭsia kiraŭnikom aŭtarskaha kalektyvu.
Taksama jon raspracavaŭ prajekty restaŭracyi, prystasavańnia i adnaŭleńnia handlovych radoŭ na płoščy Svabody, minskaj haradskoj ratušy, haścinicy «Jeŭropa», carkvy Śviatoha Ducha, šmatfunkcyjanalnych kompleksaŭ na vulicach Niamiha i Zybickaja (niekatoryja prajekty ŭ suaŭtarstvie).
Pry hetym architektara rezka krytykavali za prajekt rekanstrukcyi Minskaha zamčyšča.
Bahłasaŭ byŭ taksama viadomy jak aŭtar architekturna-skulpturnych kampazicyj — «Vojt» i «Haradskija vahi» ŭ Minsku, a taksama pomnika Hiedyminu ŭ Lidzie (Bahłasaŭ raspracavaŭ pastamient dla pomnika).